ଦୁବାଇ: 19 ବର୍ଷରୁ କମ 2020 ବିଶ୍ବକପ ପାଇଁ ସମୟ ସାରଣୀ ଘୋଷଣା ହୋଇଛି । ଆନ୍ତର୍ଜାତିକ କ୍ରିକେଟ ପରିଷଦ (ଆଇସିସି) ଏନେଇ ସ୍ପଷ୍ଟ କରିଛି । ଏହି ସମ୍ମାନଜନକ ଟୁର୍ଣ୍ଣାମେଣ୍ଟ ଦକ୍ଷିଣ ଆଫ୍ରିକାରେ ଆୟୋଜିତ ହେବ । 2020 ଜାନୁୟାରୀ 17ରୁ ଆରମ୍ଭ ହୋଇ ଫେବୃୟାରୀ 10 ପର୍ଯ୍ୟନ୍ତ ଖେଳାଯିବ ।
ଉଦଘାଟନୀ ମ୍ୟାଚରେ ଆୟୋଜକ ଦକ୍ଷିଣ ଆଫ୍ରିକା ଆଫଗାନିସ୍ତାନକୁ ଭେଟିବ । ଜାନୁୟାରୀ 19ରେ ଶ୍ରୀଲଙ୍କା ବିପକ୍ଷରେ ଜୁନିୟର ଟିମ ଇଣ୍ଡିଆ ଅଭିଯାନ ଆରମ୍ଭ କରିବ । ତେବେ ଏହି ଟୁର୍ଣ୍ଣାମେଣ୍ଟରେ ନାଇଜେରିଆ ଓ ଜାପାନ ପ୍ରଥମଥର ଆଇସିସି ଇଭେଣ୍ଟରେ ଅଂଶଗ୍ରହଣ କରିବେ । ମୋଟ 16 ଟିମକୁ 4ଟି ଗ୍ରୁପରେ ବିଭକ୍ତ କରାଯାଇଛି ।
ଗ୍ରୁପ ଏ: ଭାରତ, ନ୍ୟୁଜିଲାଣ୍ଡ, ଶ୍ରୀଲଙ୍କା, ଜାପାନ
ଗ୍ରୁପ ବି: ଅଷ୍ଟ୍ରେଲିଆ, ଇଂଲଣ୍ଡ, ୱେଷ୍ଟଇଣ୍ଡିଜ, ନାଇଜେରିଆ
ଗ୍ରୁପ ସି: ପାକିସ୍ତାନ, ବାଂଲଦେଶ, ଜିମ୍ବାୱେ, ସ୍କଟଲାଣ୍ଡ
ଗ୍ରୁପ ଡି: ଆଫଗାନିସ୍ତାନ, ଦକ୍ଷିଣ ଆଫ୍ରିକା, ୟୁଏଇ, କାନାଡା
