ଦୁବାଇ: ପ୍ରକାଶ ପାଇଛି ଆଇସିସିର ଦିନିକିଆ ବ୍ୟାଟିଂ ଓ ବୋଲିଂ ମାନ୍ୟତା । ତାଲିକାର ଉଭୟ ବ୍ୟାଟିଂ ଓ ବୋଲିଂରେ ଶୀର୍ଷ ସ୍ଥାନରେ ରହିଛନ୍ତି ଭାରତୀୟ କ୍ରିକେଟର । ଭାରତୀୟ କ୍ୟାପଟେନ ବିରାଟ କୋହଲି 886 ପଏଣ୍ଟ ସହ ଆଇସିସି ମାନ୍ୟତାର 1ନଂ ବ୍ୟାଟ୍ସମାନ ସ୍ଥାନରେ ଅଛନ୍ତି । ସେହିପରି ଜଶପ୍ରୀତ ବୁମରା 764 ପଏଣ୍ଟ ସହ ବୋଲିଂ ମାନ୍ୟତାର 1ନଂ ସ୍ଥାନରେ ରହିଛନ୍ତି ।
ସେହପରି ବ୍ୟାଟିଂ ତାଲିକାରରେ ରୋହିତ ଶର୍ମା 868 ଅଙ୍କ ସହ ଦ୍ବିତୀୟ ସ୍ଥାନରେ ରହିଛନ୍ତି । ପାକିସ୍ତାନୀ ଓପନର ବାବର ଆଜମ ତୃତୀୟ, ଫାଫ ଡୁପ୍ଲେସିସ ଚତୁର୍ଥ ଏବଂ ରସ ଟେଲର ପଞ୍ଚମ ସ୍ଥାନରେ ରହିଛନ୍ତି । ଅନ୍ୟପଟେ ଆହତ ଭାରତୀୟ ଓପନର ଶିଖର ଧୱନଙ୍କ ମାନ୍ୟତାରେ ଉନ୍ନତି ହୋଇଛି । ସେ ଏବେ 15ତମ ସ୍ଥାନରେ ରହିଛନ୍ତି । ୱିକେଟକିପର ବ୍ୟାଟ୍ସମ୍ୟାନ ଲୋକେଶ ରାହୁଲ 21ଟି ସ୍ଥାନ ଡେଇଁ ତାଲିକାର 50ତନ ସ୍ଥାନରେ ରହିଛନ୍ତି ।
ସେହିପରି ବୋଲିଂ ତାଲିକାରେ ବୁମରାଙ୍କ ପଛରେ ରହିଛନ୍ତି ନ୍ୟୁଜିଲାଣ୍ଡର ଦ୍ରୁତ ବୋଲର ଟ୍ରେଣ୍ଟ ବୋଲ୍ଟ । 740 ଅଙ୍କ ସହ ସେ ଦ୍ବିତୀୟ ସ୍ଥାନରେ ଅଛନ୍ତି । ଏହାସହ ତୃତୀୟ, ଚତୁର୍ଥ, ଏବଂ ପଞ୍ଚମ ସ୍ଥାନରେ ଆଫଗାନୀସ୍ତାନର ମୁଜୀବ ଜଦରାନ, ଦକ୍ଷିଣ ଆଫ୍ରିକାର କାଗିସୋ ରାବାଡା ଏବଂ ଅଷ୍ଟ୍ରେଲିଆର ପେଟ କମିନ୍ସ ରହିଛନ୍ତି ।
