ହାଇଦ୍ରାବାଦ: Change.org ନାମକ ଏକ ୱେବସାଇଟ ଦାବି କରୁଛି ଯେ, ଆଗାମୀ ଆଇସିସି ଟୁର୍ଣ୍ଣାମେଣ୍ଟ ଗୁଡିକର ଫାଇନାଲ ମ୍ୟାଚରେ ଭାରତୀୟ ଦଳର ଅଧିନାୟକ ବିରାଟ କୋହଲି ଦଳକୁ ଶୁଭେଚ୍ଛା ନ ଜଣାନ୍ତୁ ନାହିଁ। କାରଣ ବିରାଟଙ୍କ ଶୁଭେଚ୍ଛା ପାଇ ଦଳ ଟୁର୍ଣ୍ଣାମେଣ୍ଟରେ ଭଲ ପ୍ରଦର୍ଶନ କରୁଥିବା ସତ୍ବେ ଫାଇନାଲରେ ପରାସ୍ତ ହେଉଛି ।
ସୂଚନାଥାଉ କି, ନିକଟରେ ଶେଷ ହୋଇଥିବା ମହିଳା ଟି-20 ବିଶ୍ବକପ ଟୁର୍ଣ୍ଣାମେଣ୍ଟରେ ଭାରତୀୟ ମହିଳା ଦଳ ଅପରାଜିତ ରହିଥିଲେ ମଧ୍ୟ ଫାଇନାଲରେ ପରାସ୍ତ ହୋଇଥିଲା । ତେବେ ମହିଳା ଦଳର ଏହି ପରାଜୟର କାରଣ କୋହଲିଙ୍କ ଶୁଭେଚ୍ଛା ବୋଲି ସୋସିଆଲ ମିଡିଆରେ ଚର୍ଚ୍ଚା ହେଉଛି । ତେବେ ବିସିସିଆଇ ସଭାପତିଙ୍କଠାରୁ ପୂର୍ବତନ ଖେଳାଳିଙ୍କ ପର୍ଯ୍ୟନ୍ତ ସମସ୍ତେ ମହିଳା ଦଳକୁ ଶୁଭେଚ୍ଛା ଜଣାଇଥିଲେ । ମାତ୍ର କିଛି କ୍ରିକେଟ ସମାଲୋଚକଙ୍କ କହିବା କଥା ବିରାଟଙ୍କ ଶୁଭେଚ୍ଛା ପାଇଁ ଫାଇନାଲରେ ଦଳର ପରାଜୟ ହୋଇଛି ।
‘‘ଆମେ ବିରାଟ କୋହଲିଙ୍କ ବିପକ୍ଷରେ ନାହୁଁ । କିନ୍ତୁ ଆମେ ଦେଖିଛୁ ଯେ ତାଙ୍କ ଶୁଭେଚ୍ଛା ବିନା ଭାରତର କେତେ ଭଲ ହୋଇପାରେ । ଆଜି ଅନ୍ତର୍ଜାତୀୟ ମହିଳା ଦିବସ ଏବଂ ଆଇସିସି ବିଶ୍ୱକପ ଫାଇନାଲରେ ଭାରତ ମହିଳାଙ୍କ ଅବସ୍ଥା ଦେଖିବା ପରେ ମୋର ହୃଦୟ ଭାଙ୍ଗି ଯାଇଛି । ତେଣୁ ଦୟାକରି ଏହି ଆବେଦନକୁ ବହୁ ସଂଖ୍ୟାରେ ଦସ୍ତଖତ କରନ୍ତୁ ଯାହା ଦ୍ବାରା ଏହି ବାର୍ତ୍ତା ବିରାଟ କୋହଲିଙ୍କ ନିକଟରେ ପହଞ୍ଚିପାରିବ ।’’ ଏମିତି କିଛି କଥା ୱେବସାଇଟରେ ଲେଖାଯାଇଛି । ଅନ୍ୟପଟେ ଆଇସିସି ଟୁର୍ଣ୍ଣାମେଣ୍ଟରେ ରୋହିତ ଶର୍ମାଙ୍କୁ ଭାରତ ଅଧିନାୟକ ଭାବେ ନିଯୁକ୍ତି ପାଇବା ପାଇଁ ମଧ୍ୟ ସେମାନେ ଦସ୍ତକତ ଅଭିଯାନ ଆରମ୍ଭ କରିଛନ୍ତି ।
@INDIATODAY
