ହାଇଦ୍ରାବାଦ: ମହିଳା ପଶୁ ଡାକ୍ତରାଣୀଙ୍କ ଗଣଦୁଷ୍କର୍ମ ଓ ହତ୍ୟା ଘଟଣାରେ ସମସ୍ତ 4 ଅଭିଯୁକ୍ତଙ୍କୁ ପୋଲିସ ଏନକାଉଣ୍ଟର କରିଛି । ଏହାପରେ ସମଗ୍ର ଦେଶରେ ପୋଲିସର କାର୍ଯ୍ୟକୁ ପ୍ରଶଂସା କରାଯାଉଛି । ଏହିକ୍ରମରେ ପୂର୍ବତନ କ୍ରିକେଟର ହରଭଜନ ସିଂହ ତେଲେଙ୍ଗାନା ପୋଲିସକୁ ସାଧୁବାଦ ଜଣାଇଛନ୍ତି ।
ସ୍ଥାନୀୟ ଲୋକେ ପୋଲିସକୁ କାନ୍ଧରେ ବସାଇ ପ୍ରଶଂସା କରୁଥିବାର ଭିଡିଓ ଭାଇରାଲ ହୋଇଛି । ଏହି ଭିଡିଓକୁ ହରଭଜନ ନିଜ ଟ୍ବିଟର ଆକାଉଣ୍ଟରେ ପୋଷ୍ଟ କରିଛନ୍ତି । ଏଥିସହିତ ସେମାନଙ୍କ ସହ ଏମିତି ହେବାର ଥିଲା କହିଛନ୍ତି । ଆଗକୁ ଆଉ କେହି ଏଭଳି ଜଘନ୍ୟ କାଣ୍ଡ କରିବାକୁ ସାହସ କରିବା କରିବେ ନାହିଁ ବୋଲି ଭଜି ଲେଖିଛନ୍ତି ।
ଷ୍ଟାର ବ୍ୟାଡମିଣ୍ଟନ ଖେଳାଳି ସାଇନା ନେୱାଲ ମଧ୍ୟ ହାଇଦ୍ରାବାଦ ପୋଲିସକୁ "ଗ୍ରେଟ ୱାର୍କ.. ହାଇଦ୍ରାବାଦ ପୋଲିସ..ୱି ସାଲ୍ୟୁଟ ୟୁ" ବୋଲି ଟ୍ବିଟରରେ ଲେଖିଛନ୍ତି ।
