ହାଇଦ୍ରାବାଦ: ଷ୍ଟାର ଓପନର ରୋହିତ ଶର୍ମା ଓ ଫାଷ୍ଟ ବୋଲର ମହମ୍ମଦ ସାମିଙ୍କ ନ୍ୟୁଜିଲାଣ୍ଡ ବିପକ୍ଷରେ ମ୍ୟାଚରେ ବିଜୟୀ ପ୍ରଦର୍ଶନ ପାଇଁ ପୂର୍ବତନ କ୍ରିକେଟର ମାନେ ଢେର ପ୍ରଶଂସା କରିଛନ୍ତି । ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଖେଳାଯାଇଥିବା 3ୟ ଟି20 ମ୍ୟାଚ ହାମିଲଟନର ସେଡନ ପାର୍କରେ ଭାରତ ସୁପର ଓଭରେ ବିଜୟ ଲାଭ କରିଛି । ପୂର୍ବତନ କ୍ରିକେଟର ବିରେନ୍ଦ୍ର ସେହେବାଗ, ଭଭିଏସ ଲକ୍ଷ୍ଣଣ , ହରଭଜନ ସିଂ, ମହମ୍ମଦ କୈଫ,ଇରଫାନ ପଠାନ ଟ୍ବିଟ କରି ପ୍ରଶଂସା କରିଛନ୍ତି ।
ଭାରତ ନ୍ୟୁଜିଲାଣ୍ଡ ମଧ୍ୟରେ ଖେଳା ଯାଇଥିବା ତୃତିୟ ଟି20 ମ୍ୟାଚ ବେଶ ରୋମାଞ୍ଚକପୂର୍ଣ୍ଣ ସଂଘର୍ଷପୂର୍ଣ୍ଣ ହୋଇଥିଲା । ଏକଦା ନ୍ୟୁଜିଲାଣ୍ଡ ଅଧିନାୟକ କାନେୱିଲିୟମସନଙ୍କ ଧର୍ଯ୍ୟପୂର୍ଣ୍ଣ ଆକର୍ଷଣୀୟ ଇନିଂସପାଇଁ ବିଜୟର ନିକଟତର ହୋଇଥିବା ଦଳକୁ ଭାରତୀୟ ଦଳର ସୁଇଂଙ୍ଗ ସ୍ପିଡଷ୍ଟାର ମହମ୍ମଦ ସାମି ଶେଷ ଓଭରରେ ଘାତକ ବୋଲିଂ କରି ମ୍ୟାଚକୁ ଟାଇ ଭାବରେ ଶେଷ କରିଥିଲେ । ଶେଷରେ ସୁପର ଓଭର ହୋଇଥିଲା ସୁପର ଓଭରରେ ରୋହିତ ଶର୍ମାଙ୍କ ଶୋ ଯୋଗୁଁ ଶେଷରେ ଭାରତ ନ୍ୟୁଜିଲାଣ୍ଡରେ ପ୍ରଥମ ଥର ପାଇଁ ଟି20 ସିରିଜ ହାସଲ କରିଛି ।
ଏହା ଏକ ଅବିଶ୍ବସନିୟ ବିଜୟ । ଖେଳରେ ଅନ୍ତିମ ଓଭରେ 4 ବଲରେ 2 ରନ୍ ରୋକିବା ପାଇଁ ମହମ୍ମଦ ସାମି ଓ ରୋହିତ ଶର୍ମା ବିଶ୍ବର ସଫଳତମ ବିସ୍ଫୋରକ ଓପନର ବୋଲି ପୁଣି ପ୍ରମାଣିତ କଲେ । ଏହି ମ୍ୟାଚକୁ ବହୁତ ଦିନ ପର୍ଯ୍ୟନ୍ତ ମନେରଖିବେ ବୋଲି ଭିଭିଏସ ଲକ୍ଷ୍ମଣ ଟ୍ବିଟ କରିଛନ୍ତି ।
