କୋଚି: ଭାରତୀୟ କ୍ରିକେଟ ଟିମ୍ର ପୂର୍ବତନ ଷ୍ଟାର ବୋଲର ଶ୍ରୀସନ୍ଥଙ୍କ ଘରେ ଅଗ୍ନିକାଣ୍ଡ । ଶନିବାର ସକାଳେ କେରଳର କୋଚିସ୍ଥିତ ତାଙ୍କର ବାସଭବନରେ ନିଆଁ ଲାଗି ଯାଇଥିଲା । ଅଗ୍ନିକାଣ୍ଡ ସମୟରେ ଶ୍ରୀସନ୍ଥଙ୍କ ସ୍ତ୍ରୀ, ଶିଶୁଙ୍କ ସମେତ ଘରର କେୟାରଟେକର ଘରର ପ୍ରଥମ ମହଲାରେ ଉପସ୍ଥିତ ଥିଲେ ।
ଭିଡିଓ ସୌଜନ୍ୟ: ଇଟିଭି ଭାରତ, ବ୍ୟୁରୋ
ସୂଚନାଥାଉକି, ନିଆଁ ତାଙ୍କ ଘରର ଗ୍ରାଉଣ୍ଡ ଫ୍ଲୋରରେ ଲାଗିଥିଲା । ଭାଗ୍ୟବଶତଃ ତାଙ୍କ ପରିବାରବର୍ଗ ସମସ୍ତେ ସୁରକ୍ଷିତ ଅଛନ୍ତି । ଏଥିରେ ଘରର ଗୋଟିଏ କୋଠରୀ ସମ୍ପୂର୍ଣ୍ଣ ରୂପେ ଜଳିଯାଇଛି । ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚିଥିଲା । ଅଗ୍ନିଶମ କର୍ମଚାରୀ ଘରର କାଚ କବାଟ ଭାଙ୍ଗି ପ୍ରବେଶ କରିବା ସହ ଶ୍ରୀସନ୍ଥଙ୍କ ପରିବାରବର୍ଗଙ୍କୁ ସୁରକ୍ଷିତ ଭାବେ ଘରୁ ଉଦ୍ଧାର କରିଛନ୍ତି ।
