ଲଣ୍ଡନ: ଅଗଷ୍ଟରେ ଆୟୋଜିତ ହୋଇପାରେ ୟୁରୋ ଟି-20 ସ୍ଲାମ । ଆର୍ଥିକ ସଙ୍କଟ କାରଣରୁ ଏହି ଟି-20 ଲିଗକୁ 2019ରେ ସ୍ଥଗିତ ରଖାଯାଇଥିଲା । ତେବେ ଚଳିତ ବର୍ଷ ଶେଷ ଭାଗରେ ଏହି ଟୁର୍ଣ୍ଣାମେଣ୍ଟର ପ୍ରଥମ ସଂସ୍କରଣ ଆରମ୍ଭ ନେଇ ଆୟୋଜକ ଯୋଜନା କରୁଛନ୍ତି ।
ଏହି ଟି-20 ଲିଗ ଆୟରଲାଣ୍ଡରେ ପ୍ରଥମଥର ପାଇଁ ଖେଳାଯିବ । 6ଟି ସହରର ଫ୍ରାଞ୍ଚାଇଜ ଏହାର ମାଲିକାନାରେ ରହିଛନ୍ତି । ନେଦରଲାଣ୍ଡ ଆୟରଲାଣ୍ଡ ଓ ସ୍କଟଲାଣ୍ଡରେ ଏହି ଲିଗର ମ୍ୟାଚ ସବୁ ଖେଳାଯିବା ନେଇ ସୂଚୀ ରହିଛି ।
ତେବେ କାନାଡାରେ ଖେଳାଯିବାକୁ ଥିବା ଗ୍ଳୋବାଲ ଟି-20 ଲିଗ ଯୋଗୁଁ ଏହା ପ୍ରଭାବିତ ହେବାର ଆଶଙ୍କା ରହିଛି । ଅନ୍ୟପଟେ କରୋନା ଭାଇରସର ପ୍ରଭାବ କମ ହୋଇନାହିଁ । ଏପରି ସ୍ଥିତିରେ ବିନା ଦର୍ଶକରେ ଖାଲି ଷ୍ଟାଡିୟମରେ ୟୁରୋ ଟି-20 ଲିଗ ଖେଳାଯିବାର ସମ୍ଭାବନା ରହିଛି ।
