ଅହମ୍ମଦାବାଦ: ଇଂଲଣ୍ଡ ଖେଳାଳିଙ୍କ କଟିଲା 20 ପ୍ରତିଶତ ମ୍ୟାଚ ପାଉଣା । ଭାରତ ବିପକ୍ଷ 4ର୍ଥ ଟି20 ମ୍ୟାଚରେ ମନ୍ଥର ବୋଲିଂ ପାଇଁ ଆଇସିସି ଇଆନ ମୋର୍ଗାନଙ୍କ ଟିମକୁ ଅର୍ଥଦଣ୍ଡରେ ଦଣ୍ଡିତ କରିଛି ।
ଆଇସିସି ଏଲିଟ ପ୍ୟାନେଲ ମ୍ୟାଚ ରେଫ୍ରୀ ଜଗଭଲ ଶ୍ରୀନାଥ ଏହି ଅର୍ଥଦଣ୍ଡଙ୍କୁ ମଞ୍ଜୁର କରିଛନ୍ତି । ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯାଇଥିବା ମ୍ୟାଚରେ ନିର୍ଧାରିତ ସମୟ ଠାରୁ ଗୋଟିଏ ଓଭର କମ ବୋଲିଂ କରିଥିଲା ଇଆନ ମୋର୍ଗାନଙ୍କ ଟିମ ।
ଫଳରେ ଆଇସିସିର ଖେଳାଳି ଓ ସପୋର୍ଟ ଷ୍ଟାଫଙ୍କ ପାଇଁ ଥିବା ଆଚରଣ ବିଧିର ଧାରା 2.22 ଅନୁଯାୟୀ, ସ୍ଲୋ ଓଭର -ରେଟ ଅପରାଧ ପାଇଁ ଖେଳାଳିଙ୍କ ମ୍ୟାଚ ପାଉଣାରୁ 20 ପ୍ରତିଶତ କଟିବା ନେଇ ପ୍ରାବଧାନ ରହିଛି । ଏନେଇ ଶୁକ୍ରବାର ଅନ୍ତର୍ଜାତୀୟ କ୍ରିକେଟ ପରିଷଦ ଘୋଷଣା କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
