ଲାହୋର: ଏପ୍ରିଲ 27ରେ ପାକିସ୍ତାନ କ୍ରିକେଟର ଉମର ଆକମଲଙ୍କ କ୍ରିକେଟ କ୍ୟାରିୟର ନେଇ ଶୁଣାଣି ହେବ । ଏନେଇ ଶୃଙ୍ଖଳା କମିଟିର ଚେୟାରମ୍ୟାନ ଫଜଲ-ଏ-ରେହମାନ ଆକମଲଙ୍କୁ ଓ ପାକିସ୍ତାନ କ୍ରିକେଟ ବୋର୍ଡକୁ ଶୁଣାଣି ବେଳେ ଉପସ୍ଥିତ ରହିବାକୁ ନୋଟିସ ପଠାଇଥିବା ଜଣାପଡିଛି ।
ଜାତୀୟ କ୍ରିକେଟ ଏକାଡେମୀରେ ଫିଟନେସ ଟେଷ୍ଟରେ ଫେଲ ହେବାପରେ, ମେଡିକାଲ ଷ୍ଟାଫଙ୍କୁ ଖରାପ ବ୍ୟବହାର କରିଥିଲେ ଉମର ଆକମଲ । ଏହାପରେ ପାକିସ୍ତାନ କ୍ରିକେଟ ବୋର୍ଡ ପକ୍ଷରୁ ଫେବୃଆରୀ 20ରେ ଆକମଲଙ୍କୁ ନିଲମ୍ବିତ କରିଥିଲା ।
ପରେ ଆକମଲଙ୍କ ନାମରେ ପିସିବିର ବିଭିନ୍ନ ଧାରା ଉଲଂଘନ କରିଥିବା ଅଭିଯୋଗ ହୋଇଥିଲା । ତେବେ ଆକମଲ ଦୁର୍ନୀତି ନିରୋଧ ଟ୍ରିବୁନାଲରେ ଅପିଲ ନକରିବା ପରେ, ଶୃଙ୍ଖଳା କମିଟିକୁ ମାମଲାର ବିଚାର ପାଇଁ ପିସିବି ସୁପାରିସ କରିଥିଲା ।
