ନୂଆଦିଲ୍ଲୀ: ବର୍ଥ ଡେ ସେଲିବ୍ରେଟ କଲେ କ୍ୟାପଟେନ କୁଲ । ପତ୍ନୀ ଓ ଝିଅ ସହ ମିଶି ଜନ୍ମଦିନ ପାଳିଛନ୍ତି ମାହି । ଏହି ଅବସରରେ କେକ କାଟିବା ସହ ସ୍ତ୍ରୀ ସାକ୍ଷୀ ଓ ଝିଅ ଜିଭାଙ୍କ ସହ ଡ୍ୟାନ୍ସ କରୁଥିବାର ନଜର ଆସିଛନ୍ତି ଏମଏସ ଧୋନୀ । 38 ବର୍ଷରେ ପଦାର୍ପଣ କରିଥିବା ଭାରତୀୟ କ୍ରିକେଟ ଟିମର ପୂର୍ବତନ ଅଧିନାୟକଙ୍କ ଜନ୍ମ ଦିନରେ ହାର୍ଦ୍ଦିକ ପାଣ୍ଡିଆ ଓ ଋଷଭ ପନ୍ତ ମଧ୍ୟ ଡ୍ୟାନ୍ସ କରିଥିବାର ନଜର ଆସିଛନ୍ତି ।
ବିଶ୍ବକପର ଶେଷ ମ୍ୟାଚରେ ଶ୍ରୀଲଙ୍କା ବିପକ୍ଷରେ ଟିମ ଇଣ୍ଡିଆର ବିଜୟ ପରେ ସ୍ତ୍ରୀ, ପତ୍ନୀ ଓ କ୍ରିକେଟ ତାରକାଙ୍କ ସହ ବର୍ଥ ଡେ ସେଲିବ୍ରେଟ କରିଛନ୍ତି । ଯାହାର ଏକ ଭିଡିଓ ସାକ୍ଷୀ ସୋସିଆଲ ମିଡିଆରେ ସେୟାର କରିଛନ୍ତି, ଯେଉଁଥିରେ ଝିଅ ଜିଭା ସହ ମାହି ତିନୋଟି କେକ କାଟିଥିବାର ଦେଖିବାକୁ ମିଳିଛି ।
ଗତକାଲିର ମ୍ୟାଚ ପରେ ଟିମ ଇଣ୍ଡିଆ ଟପ ଲିଷ୍ଟରେ ଥିବାବେଳେ ସେମିଫାଇନାଲରେ ନ୍ୟୁଜିଲାଣ୍ଡ ସହ ଦଳ ଖେଳିବ । ତେବେ ଧୋନୀଙ୍କ ଏହା ଶେଷ ବିଶ୍ବକପ ଥିବାବେଳେ ଦେଶକୁ 2ଟି ବିଶ୍ବକପ ଦେବା ସହ ଆଇସିସିର ତିନୋଟି ଟ୍ରଫି ଜିତିବାରେ ବିଶ୍ବର ଏକମାତ୍ର କ୍ୟାପଟେନ ଧୋନୀ । ତେବେ ପୂର୍ବରୁ ଟେଷ୍ଟ କ୍ରିକେଟରୁ ସେ ଅବସର ନେଇ ସାରିଛନ୍ତି ।
