ନୂଆଦିଲ୍ଲୀ: ନିକଟରେ ଟେଷ୍ଟ କ୍ରିକେଟକୁ ଅଲବିଦା କହିଛନ୍ତି ଦକ୍ଷିଣ ଆଫ୍ରିକାର ଷ୍ଟାର ବୋଲର ଡେଲ ଷ୍ଟେନ ।
ସେଥିପାଇଁ ଅନେକ କ୍ରିକେଟର ଷ୍ଟେନଙ୍କୁ ଶୁଭେଚ୍ଛା ଜଣାଇଛନ୍ତି । ତେବେ କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକର ଷ୍ଟେନଙ୍କୁ ନେଇ ଏକ ବଡ ମତ ରଖିଛନ୍ତି ।
ସଚିନ କହିଛନ୍ତି 24 ବର୍ଷର କ୍ରିକେଟ କ୍ୟାରିୟର ମଧ୍ୟରେ ସାମ୍ନା କରିଥିବା ବୋଲରଙ୍କ ମଧ୍ୟରୁ ଡେଲ ଷ୍ଟେନ ଶ୍ରେଷ୍ଠ ବୋଲର । ନିଃସନ୍ଦେହରେ ଷ୍ଟେନ ବିଶ୍ବସ୍ତରରେ ଜଣେ ଶ୍ରେଷ୍ଠ ବୋଲର । ଷ୍ଟେନ ଘଣ୍ଟାପ୍ରତି ପାଖାପାଖି 150କିମି ବେଗରେ ବୋଲିଂ କରି ପେସ ଓ ସ୍ବିଙ୍ଗ କରିପାରନ୍ତି । ଏହା କୌଣସି ଏକ କଳା ଠାରୁ କମ ନୁହେଁ । ତେବେ ଆହୁରି ପେସ ବଢାଇବାକୁ ଚାହିଁଲେ ସେ ବଢାଇ ପାରୁଥିଲେ । ଏହା ଷ୍ଟେନଙ୍କୁ ଅନନ୍ୟ କରିଥାଏ ।
