ହାଇଦ୍ରାବାଦ: ଚେନ୍ନାଇ ସୁପର କିଙ୍ଗ୍ସରେ ସାମିଲେ ହେଲେ ଅଷ୍ଟ୍ରେଲିଆ ଦ୍ରୁତ ବୋଲର ଜେସନ ବେହେନଟ୍ରଫ । ଜସ ହେଜଲଉଡଙ୍କ ବଦଳ ଖେଳାଳି ଭାବେ ବେହେନଟ୍ରଫଙ୍କୁ କିଣିଛି ସିଏସକେ ।
ପୂର୍ବରୁ ହେଜେଲଉଡ ଇଣ୍ଡିଆନ ପ୍ରିମିୟର ଲିଗ 2021ରୁ ଓହରିବା ସହ ଅଷ୍ଟ୍ରେଲିଆ ପାଇଁ ଅନ୍ତର୍ଜାତୀୟ ମ୍ୟାଚ ଖେଳିବାକୁ ପ୍ରସ୍ତୁତି କରିବାକୁ ଚାହାନ୍ତି କହିଥିଲେ ।
ବେହେନଟ୍ରଫଙ୍କ ଏହା ଦ୍ବିତୀୟ ଆଇପିଏଲ ହେବ । ପୂର୍ବରୁ 2019ରେ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଖେଳିସାରିଛନ୍ତି । ମୁମ୍ବାଇ ପକ୍ଷରୁ 5ଟି ମ୍ୟାଚ ଖେଳି 5ଟି ୱିକେଟ ଅକ୍ତିଆର କରିଛନ୍ତି ।
30 ବର୍ଷୀୟ ଦ୍ରୁତ ବୋଲର ଅଷ୍ଟ୍ରେଲିଆ ପାଇଁ 11ଟି ଦିନିକିଆ, 7ଟି ଅନ୍ତର୍ଜାତୀୟ ଟି20 ମ୍ୟାଚ ଖେଳିସାରିଛନ୍ତି ।
ୱାଙ୍ଖେଡେ ଷ୍ଟାଡିୟମ ମୁମ୍ବାଇରେ ଶନିବାର ଚେନ୍ନାଇ ସୁପର କିଙ୍ଗ୍ସ, ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ପ୍ରଥମ ମୁକାବିଲା ଖେଳିବା ସହ ଆଇପିଏଲ ଅଭିଯାନ ଆରମ୍ଭ କରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
