ଜଳନ୍ଧର: ଆରମ୍ଭ ହୋଇଯାଇଛି ସପ୍ତମ ତଥା ଅନ୍ତିମ ପର୍ଯ୍ୟାୟ ମତଦାନ । ଏହି ପର୍ଯ୍ୟାୟରେ 8 ରାଜ୍ୟର 59 ଲୋକସଭା ଆସନ ପାଇଁ ହେଉଛି ମତଦାନ । ସକାଳ 7ରୁ ଆରମ୍ଭ ହୋଇଥିବା ଏହି ମତଦାନ ପ୍ରକ୍ରିୟାରେ ସାମଲି ହୋଇଛନ୍ତି ଭାରତୀୟ ଭେଟେରନ ସ୍ପିନର ହରଭଜନ ସିଂ ।
ତେବେ ଜଳନ୍ଧର ବିଧାନସଭା ନିର୍ବାଚନ ମଣ୍ଡଳୀର ନିଜ ଗାଁ ଘରିଆ ଗ୍ରାମରେ ଧାଡିରେ ଠିଆ ହୋଇ ଭୋଟ ଦେଇଛନ୍ତି ହରଭଜନ । ଭୋଟ ଦେବା ପରେ ସେ ଖୁବ ଖୁସିଥିବା କହିଛନ୍ତି । ଏଥିସହିତ ସର୍ବସାଧାରଣଙ୍କୁ ଭୋଟ ଦେବାକୁ ମଧ୍ୟ ସେ ଅନୁରୋଧ କରିଛନ୍ତି ।
ତେବେ ଶେଷ ପର୍ଯ୍ୟାୟରେ 96 ଜଣ ମହିଳା ପ୍ରାର୍ଥୀଙ୍କ ସମେତ ସର୍ବମୋଟ 918 ପ୍ରାର୍ଥୀ ନିଜ ଭାଗ୍ୟ ପରୀକ୍ଷା କରିବେ । ଏହି ପର୍ଯ୍ୟାୟରେ ପାଖାପାଖି 10 କୋଟି ମତଦାତା ମତାଧିକାର ସାବ୍ୟସ୍ତ କରି ନିଜ ନିଜ ନେତାଙ୍କୁ ବାଛିବେ ।
