ମୁମ୍ବାଇ: ଭାରତର ପୂର୍ବତନ ପେସର ଜଭଗଲ ଶ୍ରୀନଥ କହିଛନ୍ତି ଯେ ତାଙ୍କ ଆଣ୍ଠୁ ସମସ୍ୟା ପାଇଁ ସେ ଶୀଘ୍ର ଅବସର ନେଇଥିଲେ । ଏହାସହ ସେ ଚାହୁଁଥିଲେ ଯେ ନୂଆ ପେସର ଜହିର ଖାନ ଆଶିଷ ନେହେରା ଅଧିକ ପ୍ରସ୍ଫୁଟିତ ହୁଅନ୍ତୁ ।
ମୋର ହାତ ଏବଂ ଆଣ୍ଠୁ ତଳକୁ ଖସିବାକୁ ଲାଗିଥିଲା । ସେତେବେଳେ ଜହିର ଏବଂ ଆଶିଷ ସେଠାରେ ଥିଲେ । ମୁଁ ଯେତେବେଳେ ଖେଳୁଥିଲି, ସେତେବେଳେ ସେମାନଙ୍କ ମଧ୍ୟରୁ କେବଳ ଜଣଙ୍କୁ ସୁଯୋଗ ମିଳୁଥିଲା, ବୋଲି ଶ୍ରୀନଥ ଷ୍ଟାର ସ୍ପୋର୍ଟସ 1ର ନୂଆ କନ୍ନଡ ସୋ ‘ଦିଗ୍ଗଜାରା ଦନ୍ତାକଥେ'ରେ କହିଛନ୍ତି ।
ଏହି ସୋ କ୍ରିକେଟ ପଡ଼ିଆ ବାହାରେ ଖେଳାଳିଙ୍କ ଅଭିଜ୍ଞତା ତଥା କିମ୍ବଦନ୍ତୀଙ୍କ କ୍ରିକେଟ ପରର ଜୀବନକୁ ଦେଖାଇଥାଏ । ଏହି ସୋ ରେ ଖେଳାଳି ମାନେ ନିଜ କ୍ୟାରିୟର ବିଷୟରେ ବିଭିନ୍ନ ସ୍ମୃତି ସେୟାର କରିବା ସହ ତାଙ୍କ ଜୀବନ ଯାତ୍ରା ବିଷୟରେ କହିଥାନ୍ତି । ଏହାସହ ସେମାନେ ନିଜର ପ୍ରିୟ ଖେଳାଳି, ସ୍ମରଣୀୟ ମୂହୁର୍ତ୍ତ, ଚଳଚ୍ଚିତ୍ର, ଗୀତ ଆଦି ବିଷୟରେ ମଧ୍ୟ କୁହନ୍ତି ।
‘‘କପିଲ ଦେବ ଏବଂ ମନୋଜ ପ୍ରଭାକର ଖେଳୁ ଥିବାବେଳେ ମୁଁ ମଧ୍ୟ ସମାନ ପର୍ଯ୍ୟାୟ ଦେଇ ଗତି କରିଥିଲି।’’
‘‘ବେଳେବେଳେ ପିଚରେ, ଯଦି କେବଳ ଦୁଇଜଣ ଦ୍ରୁତ ବୋଲର ଥାଆନ୍ତି, ତେବେ ଏହା କଷ୍ଟସାଧ୍ୟ ହୋଇପଡେ । ଆଉ ମୋ ପାଇଁ ଭାରତ ପିଚ୍ ଉପରେ ବୋଲିଂ କରିବା କଷ୍ଟକର ହେଉଥିଲା । ମତେ ସେତେବେଳେ 33 ବର୍ଷ ବୟସ ହୋଇଥିଲା। ମୁଁ ବୋଧହୁଏ ଆଉ ଗୋଟିଏ ବର୍ଷ ଖେଳିପାରିଥାନ୍ତି, କିନ୍ତୁ ମୋର ଆଣ୍ଠୁ ଏହାକୁ କଷ୍ଟସାଧ୍ୟ କରିଥିଲା,’’ ବୋଲି ବର୍ତ୍ତମାନ ଆଇସିସି ମ୍ୟାଚ୍ ରେଫରି ଥିବା ଶ୍ରୀନଥ କହିଛନ୍ତି।
1991-2003 ମଧ୍ୟରେ ଶ୍ରୀନାଥ 67ଟି ଟେଷ୍ଟ ଏବଂ 229ଟି ଦିନିକିଆ ଖେଳିଥିଲେ ଏବଂ ଭାରତର ପ୍ରଥମ ପ୍ରକୃତ ଦ୍ରୁତତମ ବୋଲର ହୋଇଥିଲେ ଯିଏ କପିଲ ଦେବଙ୍କ ସହ ଦ୍ରୁତ ବୋଲିଂ କରିପାରୁଥିଲେ ।
@IANS
