ଇନ୍ଦୋର: ହୁଏତ ଇନ୍ଦୋର ଟେଷ୍ଟରେ ବିରାଟ ତାଙ୍କର କମାଲ ଦେଖାଇ ପାରିନାହାଁନ୍ତି । ମାତ୍ର ବିରାଟ ବାହିନୀ ତାର କମାଲ ଦେଖାଇଛି । ବାଂଲାଦେଶ ବିପକ୍ଷ ଟେଷ୍ଟକୁ ଏକ ଇନିଂସ୍ ଓ 130ରନରେ ଜିତି ନେଇଛି ଘରୋଇ ଦଳ । ଏହି ବିଜୟ ସହ କ୍ୟାପଟେନ୍ ବିରାଟ୍ କୋହଲିଙ୍କ ନାଁରେ ଏକ ନୂଆ ରେକର୍ଡ ଯୋଡ଼ି ହୋଇଛି । ଆଉ ଏହି ରେକର୍ଡ କରି ପୂର୍ବତନ କ୍ୟାପ୍ଟେନ ମହେନ୍ଦ୍ର ସିଂହ ଧୋନିଙ୍କୁ ପଛରେ ପକାଇ ଦେଇଛନ୍ତି କୋହଲି ।
ଧୋନିଙ୍କ ଠାରୁ ଟେଷ୍ଟ କ୍ରିକେଟରେ ଅଧିକ ଇନିଂସ ବିଜୟର ରେକର୍ଡ ବିରାଟ ନିଜ ନାମରେ ଲେଖିଛନ୍ତି । କୋହଲିଙ୍କ ନେତୃତ୍ୱରେ ଟେଷ୍ଟ କ୍ରିକେଟରେ ଭାରତ ଦଶମ ଇନିଂସ୍ ବିଜୟ ହାସଲ କରିଛି । ତେବେ ଧୋନିଙ୍କ ନାଁରେ 9ଟି ଇନିଂସ୍ ବିଜୟୀ ରେକର୍ଡ ଥିଲା । ସେହିପରି ମହମ୍ମଦ ଆଝାରୁଦ୍ଦିନଙ୍କ ନାଁରେ 8 ଏବଂ ସୌରଭ ଗାଙ୍ଗୁଲିଙ୍କ ନାଁରେ 7 ଇନିଂସ୍ ବିଜୟୀ ରେକର୍ଡ ରହିଛି ।
