ସୁରଟ: ଭାରତୀୟ ମହିଳା କ୍ରିକେଟ ଟିମ୍ର କ୍ୟାପ୍ଟେନ ହରମନପ୍ରୀତ କୌରଙ୍କ ନୂଆ କୀର୍ତ୍ତିମାନ । ଦେଶ ପାଇଁ ସର୍ବାଧିକ ଟି-20 ମ୍ୟାଚ ଖେଳିଥିବା ପ୍ରଥମ କ୍ରିକେଟର ହୋଇଯାଇଛନ୍ତି ହରମନପ୍ରୀତ ।
ଭିଡିଓ ସୌଜନ୍ୟ: ସୋସିଆଲ ମିଡିଆ@BCCIWomen
ଦ.ଆଫ୍ରିକା ବିପକ୍ଷରେ 6ଷ୍ଠତମ ଟି-20 ମ୍ୟାଚ ଖେଳି ଅନ୍ତରାଷ୍ଟ୍ରୀୟ ମ୍ୟାଚରେ 100ଟି ଟି-20 ମ୍ୟାଚ ଖେଳିଥିବା ପ୍ରଥମ ଭାରତୀୟ କ୍ରିକେଟର ହୋଇଯାଇଛନ୍ତି କୌର ।
ସୂଚନାଥାଉକି, ହରମନପ୍ରୀତଙ୍କ ଏହି ରେକର୍ଡ ପରେ ପଛରେ ପଡିଯାଇଛନ୍ତି ଏମଏସ ଧୋନି ଓ ରୋହିତ ଶର୍ମା । କାରଣ ଏମଏସ ଧୋନି ଓ ରୋହିତ ଶର୍ମା ଦେଶ ପାଇଁ 98 ଟି-20 ମ୍ୟାଚ ଖେଳିଛନ୍ତି ।
ଅନ୍ତରାଷ୍ଟ୍ରୀୟ ସ୍ତରରେ ବିଶ୍ବର 10ତମ ମହିଳା ଖେଳାଳୀ ଭାବେ ହରମନପ୍ରୀତ 100 ଟି-20 ମ୍ୟାଚ ଖେଳିଥିବା ଖେଳାଳି ହୋଇଯାଇଛନ୍ତି । କ୍ୟାପ୍ଟେନ ହରମନପ୍ରୀତ କୌର ଶୁକ୍ରବାର ଦିନ ସୁରଟରେ ଦ.ଆଫ୍ରିକା ବିପକ୍ଷରେ 6ଷ୍ଠ ଟି-20 ମ୍ୟାଚ ଖେଳି ଏହି ରେକର୍ଡ ସୃଷ୍ଟି କରିଛନ୍ତି ।
