ହାଇଦ୍ରାବାଦ: ଭାରତ ଓ ଇଂଲଣ୍ଡ ମଧ୍ୟରେ ଦିନିକିଆ ସିରିଜ ଆରମ୍ଭ ପୂର୍ବରୁ ଫ୍ୟାନ୍ସଙ୍କ ପାଇଁ ଏକ ବଡ ଖବର ସାମ୍ନାକୁ ଆସିଛି । ଟି20 ସିରିଜ ପରେ ଟିମ ଇଣ୍ଡିଆର ଅନୁଭବୀ ଦ୍ରୁତ ବୋଲର ଜଶପ୍ରୀତ ବୁମରା, ଇଂଲଣ୍ଡ ବିପକ୍ଷରେ ଖେଳାଯିବାକୁ ଥିବା 3 ମ୍ୟାଚ ବିଶିଷ୍ଟ ଦିନିକିଆ ସିରିଜରୁ ବାହାର ହୋଇପାରନ୍ତି ।
ବୁମରାଙ୍କୁ ଇଂଲଣ୍ଡ ବିପକ୍ଷ 5 ମ୍ୟାଚ ବିଶିଷ୍ଟ ଟି20 ସିରିଜରେ ବିଶ୍ରାମ ଦିଆଯାଇଥିଲା । ଅନ୍ୟପଟେ ବ୍ୟକ୍ତିଗତ କାରଣ ଦର୍ଶାଇ ବୁମରା 4ର୍ଥ ଟେଷ୍ଟରୁ ଓହରି ଯାଇଛନ୍ତି ।
ଏକ ସ୍ପୋର୍ଟ୍ସ ୱେବସାଇଟର ରିପୋର୍ଟ ଅନୁଯାୟୀ, ବୁମରା ଦିନିକିଆ ସିରିଜରୁ ବାହାର ହୋଇପାରନ୍ତି । ଭାରତ ଓ ଇଂଲଣ୍ଡ ମଧ୍ୟରେ ମାର୍ଚ୍ଚ 23ରୁ 5 ମ୍ୟାଚ ବିଶିଷ୍ଟ ଦିନିକିଆ ସିରିଜ ଖେଳାଯିବ । ତେବେ ବୁମରାଙ୍କ ଅନୁପସ୍ଥିତିରେ ଅନ୍ୟ ଖେଳାଳିଙ୍କ ପାଖରେ ଭଲ ପ୍ରଦର୍ଶନ କରିବାର ମୌକା ରହିବ ।
27 ବର୍ଷୀୟ ଦ୍ରୁତ ବୋଲର ଜଶପ୍ରୀତ ବୁମରା ଏଯାବତ 67 ଦିନିକିଆ ମ୍ୟାଚ ଖେଳିଛନ୍ତି ଓ 25.33 ହାରରେ 108 ୱିକେଟ ଅକ୍ତିଆର କରିସାରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
