ହାଇଦ୍ରାବାଦ: ଭାରତ-ଅଷ୍ଟ୍ରେଲିଆ ବର୍ଡର ଗାଭାସ୍କର ଟେଷ୍ଟ ସିରିଜ ଆସେସ ସିରିଜ ସହ ସମାନ । ଏହା କହିଛନ୍ତି ଅଷ୍ଟ୍ରେଲିଆର ପୂର୍ବତନ କ୍ୟାପଟେନ ଷ୍ଟିଭ ୱ।
ପ୍ରତିଦୋନ୍ଦ୍ବିତାର ସ୍ତର ଦୃଷ୍ଟିରୁ ଉଭୟ ଭାରତ ଓ ଅଷ୍ଟ୍ରେଲିଆ ପରି କ୍ରିକେଟ ପ୍ରିୟ ଦେଶରେ ଏହି ସିରିଜକୁ ନେଇ ଅନେକ ଉତ୍ସାହ ରହିଥାଏ । ଆସେସ ଟେଷ୍ଟ ସିରିଜ ପାରମ୍ପରିକ ପ୍ରତିନ୍ଦୋନ୍ଦ୍ବୀ ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଏ ।
ଏହି ସିରିଜର ନାମକରଣ ଏକ ବ୍ରିଟିଶ ଖବରକାଗଜର ଶିରୋନାମା ଅନୁଯାୟୀ ସ୍ଥିର ହୋଇଥିଲା । ବର୍ଷ 1882ରେ ଇଂଲିସ ମାଟିରେ ଓଭାଲ ଟେଷ୍ଟରେ ବିଜୟୀ ହେବା ସହ ସିରିଜ ହାତେଇଥିଲା ଅଷ୍ଟ୍ରେଲିଆ । ପରେ ଏକ ବ୍ରିଟିଶ ଖବରକାଗଜ, "ଇଂଲିସ କ୍ରିକେଟର ମୃତ୍ୟୁ ହେଲା, ଏବଂ ମୃତଶରୀର ଓ ଆସେସ ଅଷ୍ଟ୍ରେଲିଆକୁ ନିଆଯିବ ବୋଲି ରିପୋର୍ଟରେ ଲେଖିଥିଲେ ।"
ଇଣ୍ଡିଆ ଗ୍ଳୋବାଲ 2020 ସପ୍ତାହ କାର୍ଯ୍ୟକ୍ରମରେ ଯୋଗଦେଇ ଏହା କହିଛନ୍ତି ଷ୍ଟିଭ ୱ । ଏଥିସହିତ କୋଲକାତା ଟେଷ୍ଟ ପରାଜୟକୁ ସ୍ମରଣୀୟ ବୋଲି କହିଛନ୍ତି ।
ବହୁ ପ୍ରତିକ୍ଷୀତ ଭାରତ-ଅଷ୍ଟ୍ରେଲିଆ 4 ମ୍ୟାଚ ବିଶିଷ୍ଟ ବର୍ଡର ଗାଭାସ୍କର ଟେଷ୍ଟ ସିରିଜ ଚଳିତ ବର୍ଷ ଶେଷ ଭାଗରେ ହେବାନେଇ ସୂଚୀ ରହିଛି । ଡିସେମ୍ବର 3ରୁ ପ୍ରଥମ ଟେଷ୍ଟ, 11ରେ ଆଡିଲେଡରେ ଦିବାରାତ୍ର ଟେଷ୍ଟ, ଡିସେମ୍ବର 26ରେ 3ୟଟେଷ୍ଟ ଓ ଜାନୁଆରୀ 3ରେ 4ର୍ଥ ଟେଷ୍ଟ ଖେଳାଯିବା ନେଇ ସୂଚୀ ରହିଛି ।
