ନୂଆଦିଲ୍ଲୀ: ବିସିସିଆଇ ସଭାପତି ସୌରଭ ଗାଙ୍ଗୁଲି ଓ ସମ୍ପାଦକ ଜୟ ଶାହାଙ୍କ କାର୍ଯ୍ୟକାଳ 3ବର୍ଷ ପର୍ଯ୍ୟନ୍ତ ବୃଦ୍ଧି କରିବାକୁ ବୋର୍ଡ ପକ୍ଷରୁ ଦାବି ହୋଇଛି । ଏନେଇ ସୁପ୍ରିମକୋର୍ଟର ଦ୍ବାରସ୍ଥ ହୋଇଛି ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) । ବୋର୍ଡ ପକ୍ଷରୁ କୋଷାଧ୍ୟକ୍ଷ ଅରୁଣ ଧୁମଲ ଏହି ଆବେଦନପତ୍ର ଦାଖଲ କରିଛନ୍ତି ।
ଲୋଧା କମିଟିର ସୁପାରିଶକୁ ଗତବର୍ଷ ସୁପ୍ରିମକୋର୍ଟ ଗ୍ରହଣ କରିଥିଲେ । ଏଥିସହିତ ବିସିସିଆଇ ସମ୍ବିଧାନରେ ସଂସ୍କାର ନେଇ କିଛି ନିର୍ଦ୍ଦେଶନାମା ଜାରି କରିଥିଲେ । ଏହାପରେ ଗତ ଡିସେମ୍ବରରେ ହୋଇଥିବା ବିସିସିଆଇ ବାର୍ଷିକ ସାଧାରଣ ବୈଠକରେ ସୁପ୍ରିମକୋର୍ଟ ଦ୍ବାରା ପ୍ରସ୍ତାବିତ ସଂସ୍କାର ଗୃହୀତ ହୋଇଥିଲା ।
ଗତବର୍ଷ ଅକ୍ଟୋବରରେ ସୌରଭ ଗାଙ୍ଗୁଲି ବିସିସିଆଇ ସଭାପତି ଓ ଜୟ ଶାହା ସମ୍ପାଦକ ଭାବେ ସର୍ବମମ୍ମତିରେ ନିର୍ବାଚିତ ହୋଇଥିଲେ । ଚଳିତ ବର୍ଷ ଜୁନ-ଜୁଲାଇରେ ଉଭୟଙ୍କ କାର୍ଯ୍ୟକାଳ ଶେଷ ହେଉଛି । ମାତ୍ର ଅଗଷ୍ଟ 9, 2018ରେ ପ୍ରସ୍ତାବରେ ସଂଶୋଧନ ଦାବି କରି ସୁପ୍ରିମକୋର୍ଟର ଦ୍ବାରସ୍ଥ ହୋଇଛି ବୋର୍ଡ ।
ବ୍ୟୁରୋ ରିପୋର୍ଟ, ଇଟିଭି ଭାରତ
