ମୁମ୍ବାଇ: ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜାଙ୍କୁ ରଣଜୀ ଫାଇନାଲ ଖେଳିବାକୁ ମିଳିଲାନି ଅନୁମତି । ବିସିସିଆଇ ପକ୍ଷରୁ 'ପ୍ରଥମେ ଦେଶ' ବୋଲି ସ୍ପଷ୍ଟ କରାଯାଇଛି । ଚଳିତ ସିଜିନର ରଣଜୀ ଟ୍ରଫି ଫାଇନାଲରେ ସୌରାଷ୍ଟ୍ର ଓ ବେଙ୍ଗଲ ମଧ୍ୟରେ ଖେଳାଯିବ ।
ସୌରାଷ୍ଟ୍ର କ୍ରିକେଟ ଆସୋସିଏସନ ରାଜକୋଟରେ ମାର୍ଚ୍ଚ 9ରୁ ଆରମ୍ଭ ହେବ ରଣଜୀ ଟ୍ରଫି ଫାଇନାଲ । ସୌରାଷ୍ଟ୍ର ପକ୍ଷରୁ ଖେଳିବାକୁ ବିସିସିଆଇକୁ ଅନୁମତି ମାଗିଥିଲା ସୌରାଷ୍ଟ୍ର କ୍ରିକେଟ ଆସୋସିଏସନ । ତେବେ ବିସିସିଆଇ ପକ୍ଷରୁ ଜାଡେଜାଙ୍କୁ ରଣଜୀ ଖେଳିବାକୁ ଅନୁମତି ପ୍ରଦାନ କରାଯାଇନାହିଁ ।
ଭାରତୀୟ ଦଳ ଆଗାମୀ ସିରିଜ ଦକ୍ଷିଣ ଆଫ୍ରିକା ବିପକ୍ଷରେ ଖେଳିବ । 3ଟିକିଆ ଦିନିକିଆ ସିରିଜର ପ୍ରଥମ ମ୍ୟାଚ ମାର୍ଚ୍ଚ 12ରେ ଖେଳାଯିବ । ଅଲରାଉଣ୍ଡର ରବିନ୍ଦ୍ର ଜାଡେଜା ଦକ୍ଷିଣ ଆଫ୍ରିକା ବିପକ୍ଷ ସିରିଜରେ ଭାରତୀୟ ଜାତୀୟ ଦଳର ସଦସ୍ୟ ରହିଛନ୍ତି ।
ତେବେ ସୌରାଷ୍ଟ୍ର ପକ୍ଷରୁ ଚେତେଶ୍ବର ପୂଜାରା ଓ ବେଙ୍ଗଲ ପକ୍ଷରୁ ରିଦ୍ଧିମାନ ଶାହା ଖେଳିବା ନେଇ ସୂଚନା ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
