ଲାହୋର: ସଂକଟରେ ପାକିସ୍ତାନ କ୍ରିକେଟର ସର୍ଫରାଜଙ୍କ କ୍ୟାପଟେନ ପଦ । ବିଶ୍ବକପରେ ଦଳର ନୈରାଶାଜନକ ପ୍ରଦର୍ଶନ ପରେ ସର୍ଫାରାଜ ହଟାଓ ଦାବି ହୋଇ ଆସୁଥିଲା । ଶ୍ରୀଲଙ୍କା ପାକିସ୍ତାନ ମାଟିରେ ଟି-20 ମାନ୍ୟତାର ଶୀର୍ଷ ସ୍ଥାନରେ ଥିବା ପାକିସ୍ତାନକୁ ଶୋଚନୀୟ ପରାସ୍ତ କରିଥିଲା । ନିଜ ମାଟିରେ 3 ମ୍ୟାଚ ବିଶିଷ୍ଟ ସିରିଜକୁ କ୍ଲିନ ସୁଇପ କରିଥିଲା । ଏହାପରେ କ୍ୟାପଟେନ ପଦରୁ ସର୍ଫରାଜଙ୍କୁ ହଟାଇବା ପାଇଁ ପାକିସ୍ତାନ କ୍ରିକେଟ ବୋର୍ଡ ସଂକେତ ଦେଇଥିଲା ।
କ୍ରିକେଟର ଲମ୍ବା ଫର୍ମାଟରେ ସର୍ଫାରାଜଙ୍କ ସ୍ଥାନରେ ଷ୍ଟାର ବ୍ୟାଟ୍ସମ୍ୟାନ ଆଝାର ଅଲ୍ଲୀ କ୍ୟାପଟେନ ହୋଇପାରନ୍ତି । ୱିକେ୍ଟକିପର ବ୍ୟାଟ୍ସମ୍ୟାନ ମହମ୍ମଦ ରିଜୱାନଙ୍କୁ ଭାଇସ କ୍ୟାପଟେନ ପଦ ମିଳିବା ନେଇ ଚର୍ଚ୍ଚା ହେଉଛି । ଟି-20ରେ ମହମ୍ମଦ ହାଫିଜଙ୍କୁ କ୍ୟାପଟେନ ଦାୟିତ୍ବ ମିଳିବା ନେଇ ସମ୍ଭାବନା ରହିଛି । ଏମିତି କିଛି ସଂକେତ ଦେଇଛନ୍ତି ପାକିସ୍ତାନ କ୍ରିକେଟ ବୋର୍ଡ(ପିସିବି)ର କାର୍ଯ୍ୟନିବାହୀ ଅଧିକାରୀ ୱାସିମ ଖାନ ।
