ଲାହୋର: ସର୍ଫରାଜଙ୍କ କାନ୍ଧରୁ ଖସିଲା ଅଧିନାୟକ ଦାୟିତ୍ବ । ତାଙ୍କ ସ୍ଥାନରେ ଟେଷ୍ଟ କ୍ରିକେଟର ଦାୟିତ୍ବ ନେଇଛନ୍ତି ଅଜହର ଅଲ୍ଲୀ ଓ ବାବାର ଆଜମଙ୍କୁ ଆଗାମୀ ଟ-20 ବିଶ୍ବକପ ଯାଏଁ ଅଧିନାୟକ ଦାୟିତ୍ବ ଦିଆଯାଇଛି ।
ତେବେ ସର୍ଫରାଜ ଅହମ୍ମଦଙ୍କ ନେତୃତ୍ବରେ ପାକ୍ ଚଳିତ ବିଶ୍ବକପ୍ରେ ଭଲ ପ୍ରଦର୍ଶନ କରି ପାରିଥିଲା । ଏହାପର ଠାରୁ ତାଙ୍କର ଅଧିନାୟକ ଦାୟିଜ୍ବକୁ ନେଇ ପ୍ରଶ୍ନ ଉଠିଥିଲା । ଯାହାର ଫୈସଲା ଆଜି ପିସିବି କରିଛି ।
ସୂଚନା ଥାଉକି ଅଷ୍ଟ୍ରେଲିଆ ବିପକ୍ଷରେ ଆଗାମୀ ଟେଷ୍ଟ ମ୍ୟାଚ ଖେଳିବ ପାକିସ୍ତାନ । ସେହି ପାକ୍ ଟିମ୍ରେ ସର୍ଫରାଜଙ୍କୁ ସାମିଲ କରାଯାଇ ନାହିଁ । ପାକିସ୍ତାନ କ୍ରିକେଟ ବୋର୍ଡ ଅଧ୍ୟକ୍ଷ ଏହସାନ ମନି ନୂଆ ଅଧିନାୟକଙ୍କ ଚୟନକୁ ନେଇ କହିଛନ୍ତି ଯେ, ସର୍ଫରାଜଙ୍କୁ ଅଧିନାୟକ ଦାୟିତ୍ବରୁ ହଟାଇବା ବଡ କଠିନ ନିଷ୍ପତ୍ତି ଥିଲା । କିଛି ଦିନ ହେବ ସେ ଫର୍ମରେ ନଥିଲେ । ଯାହା ଗ୍ରାଉଣ୍ଡରେ ଦେଖିବାକୁ ମିଳୁଥିଲା । ତେଣୁ ଟିମର ଭବିଷ୍ୟତକୁ ଦେଖି ଏପରି ନିଷ୍ପତ୍ତି ନେବାକୁ ପଡିଲା ।
ସୂଚନାଥାଉକି, ସର୍ଫରାଜ ଅଧିନାୟକ ଦାୟିତ୍ବରେ ଥିବା ସମୟରେ 2017ରେ ଚମ୍ପିଆନ ଟ୍ରଫି ପାକ୍ ଜିତିଥିଲା । ଏଥିସହ ଟ-20 ମାନ୍ୟତାରେ ଶୀର୍ଷ ସ୍ଥାନରେ ପହଞ୍ଚି ପାରିଥିଲା ।
