ମେଲବୋର୍ଣ୍ଣ: ମଙ୍ଗଳବାର ବକ୍ସିଂ ଡେ ଟେଷ୍ଟ ଚତୁର୍ଥ ଦିନର ସକାଳ ସେସନରେ ଭେଟେରାନ ଭାରତୀୟ ଅଫ ସ୍ପିନର ରବିଚନ୍ଦ୍ରନ ଅଶ୍ବିନ ଏକ ବିରଳ ରେକର୍ଡର ଅଧିକାରୀ ହୋଇଛନ୍ତି ।
ଏଯାବତ 73ଟି ଟେଷ୍ଟ ଖେଳିଥିବା ଅଭିଜ୍ଞ ଅଶ୍ବିନ କିମ୍ବଦନ୍ତୀ ସ୍ପିନର ମୁଥୟା ମୁରଲୀଧରନଙ୍କ ଏକ ରେକର୍ଡକୁ ଅତିକ୍ରମ କରିଛନ୍ତି । ଟେଷ୍ଟ କ୍ରିକେଟରେ ସର୍ବାଧିକ ଥର ବାମହାତୀ ବ୍ୟାଟ୍ସମ୍ୟାନଙ୍କୁ ଆଉଟ କରିବାର ମୁରଲୀଧରନଙ୍କ ରେକର୍ଡକୁ ଭଙ୍ଗ କରିଛନ୍ତି ଅଶ୍ବିନ । ଅଷ୍ଟ୍ରେଲିଆର ଦ୍ବିତୀୟ ଇଂନିସରେ ଜସ ହେଜେଲଉଡଙ୍କ ୱିକେଟ ହାସଲ କରି ଏହି ସଫଳତାର ଅଧିକାରୀ ହୋଇଛନ୍ତି ।
ବାମହାତୀ ବ୍ୟାଟ୍ସମ୍ୟାନ ଭାବେ ଅଶ୍ବିନଙ୍କ 192ତମ ଶିକାର ହେଲେ ହେଜେଲଉଡ । ଫଳରେ ଏହା ଟେଷ୍ଟ କ୍ରିକେଟ ଇତିହାସରେ କୌଣସି ବୋଲରଙ୍କ ଠାରୁ ସର୍ବାଧିକ ହୋଇଛି ।
191 ଶିକାର ସହ ଏହି ତାଲିକାରେ ପୂର୍ବରୁ ଥିଲେ ମୁରଲୀଧରନ । ଏହି ମହାନ ସ୍ପିନରଙ୍ଗ ନାମରେ ମୋଟ 800 ୱିକେଟ ରହିଛି ।
ଏହି ତାଲିକାରେ ଇଂଲଣ୍ଡର ଜେମ୍ସ ଆଣ୍ଡରସନ(186), ଅଷ୍ଟ୍ରେଲିଆର କିମ୍ବଦନ୍ତୀ ଗ୍ଳେନ ମାକଗ୍ରାଥ(172), ସେନ ୱାର୍ଣ୍ଣ(172), ଓ 167 ବାମହାତୀ ବ୍ୟାଟ୍ସମ୍ୟାନଙ୍କୁ ପାଭିଲିୟନ ଫେରାଇ ପୂର୍ବତନ ଭାରତୀୟ କ୍ୟାପଟେନ ଅନିଲ କୁମ୍ବଲେ ରହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
