ଲଣ୍ଡନ: ଆମେରିକାରେ ପୋଲିସ ହେପାଜତରେ କୃଷ୍ଣକାୟ ବ୍ୟକ୍ତି ଜର୍ଜ ଫ୍ଳୋଏଡଙ୍କ ମୃତ୍ୟୁ ପରେ ବର୍ଣ୍ଣବୈଷମ୍ୟ ବିରୋଧରେ ଆନ୍ଦୋଳନ ବର୍ତ୍ତମାନ ଚରମ ସୀମାରେ ପହଞ୍ଚିଛି । ଏହାକୁ ନେଇ ଏକାଧିକ କ୍ରୀଡାବିତ ପ୍ରତିକ୍ରୀୟାଶୀଳ ହୋଇଛନ୍ତି ।
ଇଂଲଣ୍ଡ ସ୍ପିଡଷ୍ଟାର ଜୋଫ୍ରା ଆର୍ଚର ବର୍ଣ୍ଣବୈଷମ୍ୟର ଶିକାର ହୋଇଥିବା ଲୋକଙ୍କୁ ଏହା ବିରୋଧରେ ସ୍ବର ଉତ୍ତୋଳନ କରିବାକୁ ଅନୁରୋଧ କରିଛନ୍ତି । ଆର୍ଚର କହିଛନ୍ତି, କୃଷ୍ଣକାୟ ଭାବେ ଜନ୍ମ ହୋଇ ଗର୍ବିତ । ଗତବର୍ଷ ନଭେମ୍ବରରେ ନ୍ୟୁଜିଲାଣ୍ଡ ବିପକ୍ଷ ଟେଷ୍ଟ ମ୍ୟାଚରେ ବର୍ଣ୍ଣଗତ ଆକ୍ଷେପର ଶିକାର ହୋଇଥିଲେ ଆର୍ଚର ।
ୱେଷ୍ଟଇଣ୍ଡିଜର ଡାରେନ ସାମି, କ୍ରିସ ଗେଲ, ଭାରତୀୟ କ୍ରିକେଟର ଅଭିନବ ମୁକୁନ୍ଦ ଆଦି ଏହା ବିରୋଧରେ ସ୍ବର ଉତ୍ତୋଳନ କରିଛନ୍ତି ।
ମେ 25ରେ ଆମେରିକାରେ ଜଣେ ଶ୍ବେତାଙ୍ଗ ପୋଲିସ ଅଫିସର ଆକ୍ରମଣରେ 46 ବର୍ଷିୟ ଜର୍ଜ ଫ୍ଳୋଏଡଙ୍କ ମୃତ୍ୟୁ ପରେ ଆମେରିକାରେ ବଡଧରଣର ଆନ୍ଦୋଳନ ତେଜିଛି । ଆନ୍ଦୋଳନ ଉଗ୍ର ରୂପ ନେବା ପରେ, ଆମେରିକାର ପ୍ରାୟ ପ୍ରମୁଖ 40ଟି ସହରରେ କର୍ଫ୍ୟୁ ଭଳି ସ୍ଥିତି ଲାଗିରହିଛି ।
