ମାଞ୍ଚେଷ୍ଟର: ଅଷ୍ଟ୍ରେଲିଆ କ୍ୟାପଟେନ ଆରୋନ ଫିଞ୍ଚ ଇଂଲଣ୍ଡ ବିପକ୍ଷ ଦିନିକିଆ ସିରିଜ ନେଇ ପ୍ରତିକ୍ରିୟା ରଖିଛନ୍ତି । ଇଂଲଣ୍ଡ ବିପକ୍ଷ ଦିନିକିଆ ସିରିଜ ବିଜୟ ପାଇଁ ଅଷ୍ଟ୍ରେଲିଆ ପ୍ରସ୍ତୁତି ଚଳାଇଥିବା କହିଛନ୍ତି ଫିଞ୍ଚ ।
ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରେ 3 ମ୍ୟାଚ ବିଶିଷ୍ଟ ଦିନିକିଆ ସିରିଜ ଖେଳାଯିବ । ଦିନିକିଆ ସୁପର ଲିଗ ଅନ୍ତର୍ଭୁକ୍ତ ଏହି ସିରିଜ ଖେଳାଯିବ ।
ଏହି ଦିନିକିଆ ସିରିଜ ଆହ୍ବାନପୂର୍ଣ୍ଣ ହେବ ବୋଲି ସ୍ବୀକାର କରିଛନ୍ତି ଫିଞ୍ଚ । ଗୋଟିଏ ମ୍ୟାଚରେ ଖରାପ ପ୍ରଦର୍ଶନ ସିରିଜ ବିଜୟ ସମ୍ଭାବନା କମ କରିପାରେ ବୋଲି ସେ କହିଛନ୍ତି । ଅନ୍ୟପଟେ ପ୍ରତିପକ୍ଷ ଟିମ ଇଂଲଣ୍ଡ ହୋଇଥିଲେ, 90 ପ୍ରତିଶତ ପ୍ରଦର୍ଶନ ମଧ୍ୟ ବିଜୟ ପାଇଁ ଯଥେଷ୍ଟ ହୋଇନଥାଏ । ଇଂଲଣ୍ଡକୁ ହରାଇବାକୁ ଶତପ୍ରତିଶତ ପ୍ରଦର୍ଶନର ଆବଶ୍ୟକତା ରହିଛି ବୋଲି ଫିଞ୍ଚ କହିଛନ୍ତି ।
