ମାଞ୍ଚେଷ୍ଟର: ଅଷ୍ଟ୍ରେଲିଆର 497 ରନରେ ପାଳି ଘୋଷଣା ପରେ ଇଂଲଣ୍ଡ ବ୍ୟାଟିଂ ଜାରି ରଖିଛି । ପ୍ରଥମ 2ଟି ୱିକେଟ ମାତ୍ର 25 ରନରେ ହରାଇ ସଂକଟରେ ପଡିଥିଲା ଘରୋଇ ଇଂଲଣ୍ଡ । ଅଷ୍ଟ୍ରେଲିଆର ପାଟ କମିନ୍ସ ଜୋ ଡେନଲିଙ୍କୁ ଦଳୀୟ ସ୍କୋର 10 ରନ ଥିବାବେଳେ ଆଉଟ କରିଥିଲେ । ଏହାପରେ ହେଜଲଉଡ, କ୍ରେଗ ଓଭରଟନଙ୍କୁ ଆଉଟ କରି ଦେଇଥିଲେ ।
ତେବେ ଏହାପରେ କ୍ୟାପଟେନ ଜୋ ରୁଟ ଓ ଯୁବ ଓପନର ରରି ବର୍ଣ୍ଣସ ଇଂଲଣ୍ଡ ପାଳିକୁ ସମ୍ଭାଳିଛନ୍ତି । ବର୍ଣ୍ଣସ ଅର୍ଧଶତକ ପୂରା କରିବା ସହ କଙ୍ଗାରୁ ବୋଲରଙ୍କ ଉଚିତ ମୁକାବିଲା ଜାରି ରଖିଛନ୍ତି । କ୍ୟାପଟେନ ରୁଟ ମଧ୍ୟ ବର୍ଣ୍ଣସଙ୍କୁ ଭରପୁର ସାଥ ଦେଇଥିଲେ । ଫଳରେ ଉଭୟଙ୍କ ମଧ୍ୟରେ 100 ରନର ଭାଗିଦାରୀ ହୋଇଛି ।
