ଦ୍ବିତୀୟ ଟି-20: କୋହଲିଙ୍କ ଧମକା, ବିଜୟରୁ ଘରୋଇ ସିଜିନ ଆରମ୍ଭ କଲା ଭାରତ

ଦ୍ବିତୀୟ ଟି-20କୁ 7 ୱିକେଟରେ ଜିତି ନେଇଛି ଘରୋଇ ଦଳ । କ୍ୟାପ୍ଟେନ କୋହଲିଙ୍କ 72ରନ ପାଳି ବଳରେ ଏହି ସହଜ ବିଜୟ ପାଇଛି ବିରାଟଙ୍କ ୟଙ୍ଗ ଟିମ୍‌ ।

ମୋହାଲି: ଧର୍ମାଶାଳା ଟି-20 ଧୋଇଗଲା ପରେ ମୋହାଲିର ମାହୋଲ ବଦଳାଇଲା ଟିମ ଇଣ୍ଡିଆ । ଦ୍ବିତୀୟ ଟି-20କୁ 7 ୱିକେଟରେ ଜିତି ନେଇଛି ଘରୋଇ ଦଳ । କ୍ୟାପ୍ଟେନ କୋହଲିଙ୍କ 72ରନର ଦମଦାର ପାଳି ବଳରେ ଏହି ସହଜ ବିଜୟ ପାଇଛି ବିରାଟଙ୍କ ୟଙ୍ଗ ଟିମ୍‌ । ଏଥି ସହିତ 3 ମ୍ୟାଚ ବିଶିଷ୍ଟ ସିରିଜରେ 1-0ରେ ଆଗୁଆ ରହିଛି ମେନ ଇନ ବ୍ଲୁ ।

ପ୍ରଥମେ ବ୍ୟାଟିଂ କରି ଅତିଥି ଦକ୍ଷିଣ ଆଫ୍ରିକା ଦେଇଥିବା 150ରନର ବିଜୟ ଲକ୍ଷକୁ ମାତ୍ର 3 ୱିକେଟ ହରାଇ ହାସଲ କରି ନେଇଛି ଘରୋଇ ଦଳ । ଦଳ ପାଇଁ ବିଜୟ ମୁଣ୍ଡି ମାରିଛନ୍ତି ଅଧିନାୟକ କୋହଲି ଓ ଶ୍ରେୟସ ଆୟର ।