ଲର୍ଡ୍ସ: 2ୟ ଆସେସ ଟେଷ୍ଟର ପ୍ରଥମ ଦିନ ବର୍ଷା ଯୋଗୁଁ ଧୋଇଯାଇଥିଲା । ତେବେ 2ୟ ଦିନରେ ଇଂଲଣ୍ଡ ପ୍ରଥମେ ବ୍ୟାଟିଂ କରି 258 ରନରେ ଅଲଆଉଟ ହୋଇଛି । ଦଳ ପକ୍ଷରୁ ସର୍ବାଧିକ 53 ରନ ଓପନର ରରି ବର୍ଣ୍ଣସ କରିଛନ୍ତି । ବେୟାରଷ୍ଟୋ ମଧ୍ୟ 52 ରନର ଅର୍ଧଶତକୀୟ ପାଳି ଖେଳିଛନ୍ତି ।
ଅନ୍ୟମାନଙ୍କ ମଧ୍ୟରେ ଜୋ ଡେନଲି 30 ଓ କ୍ରିସ ୱିକ୍ସ 32 ରନ କରିଛନ୍ତି । ତେବେ ଜେସନ ରୟ ଶୂନରେ ଆଉଟ ହୋଇଥିବା ବେଳେ କ୍ୟାପଟେନ ରୁଟ ମାତ୍ର 14 ରନ କରିଥିଲେ । ବଟଲର 12 ଓ ଷ୍ଟୋକ୍ସ 13 ରନ କରି ଶୀଘ୍ର ଆଉଟ ହୋଇଥିଲେ ।
ଅଷ୍ଟ୍ରେଲିଆ ପକ୍ଷରୁ ହେଜଲଉଡ, କମିନ୍ସ ଓ ନାଥନ ଲାୟନ 3ଟି ଲେଖାଏଁ ୱିକେଟ ଅକ୍ତିଆର କରିଥିଲେ । ପାଟିନସନଙ୍କ ସ୍ଥାନରେ ଖେଳୁଥିବା ହେଜଲଉଡ ଚମତ୍କାର ବୋଲିଂ କରିଥିଲେ । 3ଟି ୱିକେଟ ନେବାସହ ରନ ଉପରେ ମଧ୍ୟ ଅଂକୁଶ ଲଗାଇଥିଲେ । ପିଟର ସିଡଲଙ୍କୁ ଗୋଟିଏ ୱିକେଟ ମିଳିଛି ।
ତେବେ ଶେଷ ଖବର ସୁଦ୍ଧା ଅଷ୍ଟ୍ରେଲିଆ ପ୍ରଥମ ପାଳି ଆରମ୍ଭ କରି 30 ରନ ସ୍କୋର କରି ଗୋଟିଏ ଓ୍ବିକେଟ ହରାଇଛି ।
