ହାଇଦ୍ରାବାଦ: 2011 ବିଶ୍ବକପ ମ୍ୟାଚ ବେଳେ ପଡିଆରେ ହଠାତ ଅସୁସ୍ଥତା ଅନୁଭବ କରିଥିଲେ ଯୁବରାଜ । ପରୀକ୍ଷା ପରେ ଜଣାପଡିଥିଲା ସେ କ୍ୟାନସରରେ ପୀଡିତ । କିନ୍ତୁ ସେ ଭାଙ୍ଗି ପଡି ନଥିଲେ । ମନୋବଳ ଦୃଢ କରି କ୍ୟାନସର ଭଳି ମାରାତ୍ମକ ରୋଗ ସହିତ ଲଢିଥିଲେ ।
ନିଜର ଅଗଣିତ ପ୍ରଶଂସକଙ୍କ ଭଲପାଇବା ଓ କ୍ରିକେଟକୁ ଫେରିବାର ଲଢୁଆ ମନୋବଳ ବଳରେ ସେ କ୍ୟାନସର ଭଳି ଦୁସାଧ୍ୟ ରୋଗକୁ ହରାଇଥିଲେ । ସୁସ୍ଥହେବା ପରେ ଯୁବରାଜ କହିଥିଲେ କ୍ରିକେଟ ହିଁ ତାଙ୍କୁ ଲଢିବା ଶିଖାଇଛି । ଥରେ ପଡିଗଲେ କେମିତି ଉଠିବାକୁ ହେବ ତାହା ସେ କ୍ରିକେଟରୁ ପ୍ରେରଣା ପାଇଛନ୍ତି ।
କ୍ରିକେଟ ଭାରତୀୟଙ୍କ ହୃଦୟର ଖେଳ । କ୍ରିକେଟ ଖେଳାଳି କୋଟିକୋଟି ଭାରତୀୟଙ୍କ ପସନ୍ଦର ମଣିଷ । ଯେବେ କେହି ଖେଳାଳି କ୍ରିକେଟକୁ ଅଲବିଦା କୁହେ, ସେବେ ଏକ ବିରାଟ ଶୂନ୍ୟସ୍ଥାନ ସୃଷ୍ଟିହୁଏ । ଆନ୍ତଜାର୍ତିକ କ୍ରିକେଟରୁ ଭେଟେରାନ ଅଲରାଉଣ୍ଡର ଯୁବରାଜ ସିଂହ ଅବସର ଘୋଷଣା କରିଛନ୍ତି । ଭାରତୀୟ ଜର୍ସିରେ ଓ କ୍ରିକେଟ ମୈଦାନରେ ଯୁବରାଜଙ୍କୁ ଆଉ ଦେଖିବାକୁ ମିଳିବନି ।
ବ୍ୟୁରୋ ରିପୋର୍ଟ, ଇଟିଭି ଭାରତ
