ପୁଚଙ୍ଗ(ମାଲେସିୟା): ରାଜ୍ୟଗୋଷ୍ଠୀ କ୍ରୀଡା ୨୦୨୨ (Commonwealth Games 2022 )ପାଇଁ ଯୋଗ୍ୟତା ଅର୍ଜନ କରିଛି ଶ୍ରୀଲଙ୍କା । ମଙ୍ଗଳବାର କ୍ବାଲାଲାମପୁରରେ ଖେଳାଯାଇଥିବା ଯୋଗ୍ୟତା ପର୍ଯ୍ୟାୟ ମ୍ୟାଚ୍ରେ ବାଂଲାଦେଶକୁ ୨୨ ରନ୍ରେ ହରାଇ ମେଗା ଟୁର୍ନାମେଣ୍ଟର ଟିକେଟ ହାତେଇଛି ଶ୍ରୀଲଙ୍କା । ସିଂହଳ ଟିମର ଏହି ବିଜୟରେ ଅଧିନାୟିକା ଚମାରୀ ଅଟ୍ଟାପଟ୍ଟୁଙ୍କ ପ୍ରମୁଖ ଭୂମିକା ରହିଛି ।
-
🇱🇰 Sri Lanka have defeated Bangladesh by 22 runs to qualify for the 2022 Commonwealth Games in Birmingham! 👏 pic.twitter.com/Hti5HFkqQ7
— ICC (@ICC) January 24, 2022 " class="align-text-top noRightClick twitterSection" data="
">🇱🇰 Sri Lanka have defeated Bangladesh by 22 runs to qualify for the 2022 Commonwealth Games in Birmingham! 👏 pic.twitter.com/Hti5HFkqQ7
— ICC (@ICC) January 24, 2022🇱🇰 Sri Lanka have defeated Bangladesh by 22 runs to qualify for the 2022 Commonwealth Games in Birmingham! 👏 pic.twitter.com/Hti5HFkqQ7
— ICC (@ICC) January 24, 2022
ଏହାମଧ୍ୟ ପଢନ୍ତୁ: spot-fixing: ବ୍ରେଣ୍ଡନ ଟେଲରଙ୍କ ସାଙ୍ଘାତିକ ଖୁଲାସା, ବ୍ଲାକମେଲ୍ କରିଥିଲେ ଭାରତୀୟ ବ୍ୟବସାୟୀ
ଚଳିତ ବର୍ଷର ରାଜ୍ୟଗୋଷ୍ଠୀ କ୍ରୀଡା(Commonwealth Games) ପ୍ରତିଯୋଗିତାର ଶେଷ ସ୍ଥାନ ପାଇଁ ୫ଟି ଟିମ ମଧ୍ୟରେ ଖେଳାଯାଇଥିବା ଯୋଗ୍ୟତା ପର୍ଯ୍ୟାୟ ଟୁର୍ନାମେଣ୍ଟର ଶେଷ ମ୍ୟାଚ୍ରେ ବାଜି ମାରିଛି ଶ୍ରୀଲଙ୍କା । ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ଶ୍ରୀଲଙ୍କା ୬ ୱିକେଟ ହରାଇ ୧୩୬ ରନ୍ ସଂଗ୍ରହ କରିଥିଲା । ଅଟ୍ଟାପଟ୍ଟୁ ୪୮ ରନ୍ର ଉପଯୋଗୀ ଇଂନିସ ଖେଳିଥିଲେ । ପରେ ବୋଲିଂରେ ମଧ୍ୟ କମାଲ କରିବା ସହ ୩ୱିକେଟ ଅକ୍ତିଆର କରି ଶ୍ରୀଲଙ୍କାକୁ ୧୧୪ ରନ୍ର ସୀମିତ ରଖିବାରେ ବିଶେଷ ଭୂମିକା ଗ୍ରହଣ କରିଥିଲେ ।
ଫଳରେ ଅଷ୍ଟମ ଟିମ ଭାବେ ରାଜ୍ୟଗୋଷ୍ଠୀ କ୍ରୀଡା ୨୦୨୨ କ୍ରିକେଟ ପ୍ରତିଯୋଗିତା ପାଇଁ ଶ୍ରୀଲଙ୍କା ଯୋଗ୍ୟତା ଅର୍ଜନ କରିଛି । ରାଜ୍ୟଗୋଷ୍ଠୀ କ୍ରୀଡା ମହାସଂଘ(CGF) ଖୁବଶୀଘ୍ର ଔପଚାରିକ ଘୋଷଣା କରିପାରେ । ପୂର୍ବରୁ ଅଷ୍ଟ୍ରେଲିଆ, ବାର୍ବୋଡାସ, ଇଂଲଣ୍ଡ, ଭାରତ, ନ୍ୟୁଜିଲାଣ୍ଡ, ପାକିସ୍ତାନ ଓ ଦକ୍ଷିଣ ଆଫ୍ରିକା ପୂର୍ବରୁ ଯୋଗ୍ୟତା ଅର୍ଜନ କରିସାରିଛନ୍ତି ।
