ମୁମ୍ବାଇ: ବିସିସିଆଇ ପକ୍ଷରୁ ଏକ ଜୁନିଅର ଚୟନ କମିଟି ଗଠନ କରାଯାଇଛି । ଏହାକୁ ନେଇ ବିସିସିଆଇ ଟ୍ବିଟ୍ କରି ସୂଚନା ଦେଇଛି । ପୂର୍ବତନ ତାମିଲନାଡ଼ୁ ଅଧିନାୟକ ଶରତ ଶ୍ରୀଧରଣ ଏହି କମିଟିର ମୁଖ୍ୟ ରହିବେ । ତାମିଲନାଡ଼ୁ ପକ୍ଷରୁ ସେ ପ୍ରଥମ କ୍ରିକେଟର ଭାବରେ ୧୦୦ ରଣଜୀ ମ୍ୟାଚ ଖେଲଛନ୍ତି ।
୧୫ ବର୍ଷର ଘରୋଇ କ୍ରିକେଟ କ୍ୟାରିଅରରେ ଶରତ ଶ୍ରୀଧରଣ ମୋଟ ୮ ହଜାର ୭ଶହ ରନ୍ କରିଛନ୍ତି । ଏଥିରେ ୨୭ଟି ଶତକ ସାମିଲ ରହିଥିବା ବେଳେ ୪୨ଟି ଅର୍ଦ୍ଧ ଶତକ ସାମିଲ ରହିଛି । ସେ ୧୦୦ଟି ପ୍ରଥମ ଶ୍ରେଣୀ କ୍ରିକେଟ ଖେଳି ୫୧.୧୭ ହାରରେ ୩ ହଜାର ରନ୍ ସଂଗ୍ରହ କରିଛନ୍ତି ।
କମିଟିର ମୁଖ୍ୟ ହେବା ସହ ଦକ୍ଷିଣ ଜୋନ ଦାୟିତ୍ବରେ ମଧ୍ୟ ରହିବେ ଶରତ ଶ୍ରୀଧରଣ । ସେହିଭଳି ପଶ୍ଚିମ ଜୋନ୍ ଦାୟିତ୍ବରେ ରହିବେ ପଥିକ ପଟେଲ । ତେ ରଣଦେବ ବୋଶ୍ଙ୍କୁ ପୂର୍ବ ଜୋନ୍ ଦାୟିତ୍ବ ଦିଆଯାଇଥିବା ବେଳେ କିଷନ ମୋହନଙ୍କୁ ଉତ୍ତର ଜୋନ ଦାୟିତ୍ବ ଦିଆଯାଇଛି । ମଧ୍ୟ ଜୋନ୍ ପାଇଁ ହରବିନ୍ଦର ସିଂହ ସୋଢୀଙ୍କୁ ନିଯୁକ୍ତ କରିଛି ବିସିସିଆଇ ।
ପୂର୍ବ ଜୋନ୍ ଦାୟିତ୍ବରେ ଥିବା ରଣଦେବ ବୋଶ ପଶ୍ଚିମବଙ୍ଗ ପକ୍ଷରୁ ୯୧ଟି ପ୍ରଥମ ଶ୍ରେଣୀ କ୍ରିକେଟ ଖେଳି ୩୧୭ ୱିକେଟ ନେଇଛନ୍ତି । ସେ ୨୦୧୧ରେ ଅବସର ଗ୍ରହଣ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
