ଭାରତକୁ ଆସିଥିଲେ ପୂଜା ପାଇଥାନ୍ତା, ଏବେ ଅଷ୍ଟ୍ରେଲୀୟ ଖେଳାଳିଙ୍କ ଗୋଡ଼ ତଳେ ଟ୍ରଫି

ବିଶ୍ବ ଚମ୍ପିଆନ୍‌ ହେବାପରେ ବିଶ୍ବକପ୍‌ ଟ୍ରଫି ଉପରେ ଗୋଡ଼ ରଖି ଫଟୋ ଉଠାଇଲେ ଅଷ୍ଟ୍ରେଲିଆ କ୍ରିକେଟର ମିଚେଲ୍‌ ମାର୍ଶ । ଫଟୋ ସେୟାର କଲେ ଅଧିନାୟକ ପ୍ୟାଟ୍‌ କମିନ୍ସ । କଡ଼ା ସମାଲୋଚନା କଲେ କ୍ରିକେଟ୍‌ପ୍ରେମୀ । ଅଧିକ ପଢ଼ନ୍ତୁ

ହାଇଦ୍ରାବାଦ: ଭାରତରେ କ୍ରିକେଟ୍‌ର କ୍ରେଜ୍‌ ସବୁଠାରୁ ଊର୍ଦ୍ଧ୍ବରେ । ଏପରିକି ଆମ ଦେଶରେ କ୍ରିକେଟ୍‌କୁ ଏକ ଧର୍ମ ଓ କ୍ରିକେଟରଙ୍କୁ ଭଗବାନ ବୋଲି ମନେ କରନ୍ତି ସେମାନଙ୍କ ପ୍ରଶଂସକ । କୌଣସି ବଡ଼ ଟ୍ରଫି ଜିତିବା ପରେ ଭାରତରେ ଏହାକୁ ପୂଜାର୍ଚ୍ଚନା କରାଯାଉଥିବା ମଧ୍ୟ ଆଗରୁ ଦେଖିବାକୁ ମିଳିଛି । ଏପରିକି ଟିମ୍‌ ଇଣ୍ଡିଆ ଚଳିତ ଥର ବିଶ୍ବ ବିଜେତା ହେଉ ବୋଲି କୋଟି କୋଟି ଭାରତୀୟ ପୂଜାର୍ଚ୍ଚନା କରିଥିଲେ । ହେଲେ ସବୁ ଆଶା ଭାଙ୍ଗିଗଲା । ଅଧାରେ ରହିଗଲା ଭାରତର ଆଇସିସି ଟ୍ରଫି ସ୍ବପ୍ନ । ଅହମ୍ମଦାବାଦରେ ଭାରତକୁ ହରାଇ ଅଷ୍ଟ୍ରେଲିଆ ବିଜୟୀ ହୋଇଛି ସତ, ହେଲେ ବିଶ୍ବ ବିଜୟର ପ୍ରତୀକ ଟ୍ରଫିକୁ ସମ୍ମାନ ଦେଇନାହାନ୍ତି ଦଳର ଖେଳାଳି । ସୋସିଆଲ ମିଡିଆରେ ଫଟୋ ଭାଇରାଲ ହେବାପରେ ଟ୍ରୋଲ ହେଉଛନ୍ତି ଅଷ୍ଟ୍ରେଲିଆ ଖେଳାଳି ।

• Mitchell Marsh with the World Cup. pic.twitter.com/n2oViCDgna

  — Mufaddal Vohra (@mufaddal_vohra) November 20, 2023 " class="align-text-top noRightClick twitterSection" data="

  Mitchell Marsh with the World Cup. pic.twitter.com/n2oViCDgna

  — Mufaddal Vohra (@mufaddal_vohra) November 20, 2023

  ">

  Mitchell Marsh with the World Cup. pic.twitter.com/n2oViCDgna

  — Mufaddal Vohra (@mufaddal_vohra) November 20, 2023

ଅହମ୍ମଦାବାଦରେ ବିଶ୍ବକପ୍‌ ୨୦୨୩ ଫାଇନାଲ୍‌ ମ୍ୟାଚ୍‌ରେ ଚଳିତ ସଂସ୍କରଣର ସର୍ବଶ୍ରେଷ୍ଠ ଦଳ ଭାରତଠାରୁ ଟ୍ରଫି ଛଡ଼ାଇ ନେଇଛି ଅଷ୍ଟ୍ରେଲିଆ । ହେଲେ ବିଜୟ ଉତ୍ସବ ପରେ ଅଷ୍ଟ୍ରେଲିଆ ଖେଳାଳି ବିଶ୍ବକପ ଟ୍ରଫିକୁ ଗୋଡ ତଳେ ରଖିଥିବା ଫୋଟୋ ଏବେ ସୋଶିଆଲ ମିଡିଆରେ ଭାଇରାଲ୍ ହୋଇଛି । ଚମ୍ପିଆନ୍‌ ହେବାପରେ ଅଷ୍ଟ୍ରେଲୀୟ ଖେଳାଳି ମିଚେଲ୍‌ ମାର୍ଶଙ୍କ ଏପରି ବ୍ୟବହାରକୁ ସାମାଜିକ ଗଣମାଧ୍ୟମରେ ଖୁବ୍ ଟ୍ରୋଲ୍ କରାଯାଉଛି । ମାର୍ଶଙ୍କ ଏଭଳି ଫଟୋକୁ ପ୍ରଥମେ ଅଷ୍ଟ୍ରେଲିଆ ଅଧିନାୟକ ପ୍ୟାଟ୍ କମିନ୍ସ ନିଜ ଇନ୍‌ଷ୍ଟାଗ୍ରାମ ଷ୍ଟୋରୀରେ ପୋଷ୍ଟ କରିଥିଲେ । ପରେ ଅନ୍ୟାନ୍ୟ ସୋସିଆଲ ମିଡିଆ ପ୍ଲାଟଫର୍ମରେ ଏହି ଫଟୋ ଭାଇରାଲ୍ ହୋଇଥିଲା ।

କମ୍ମିନ୍ସ ପୋଷ୍ଟ କରିଥିବା ଏହି ଫଟୋରେ ମାର୍ଶ ଏକ ସୋଫା ଉପରେ ବସିଥିବାବେଳେ ଦୁଇ ଗୋଡ଼ ଟ୍ରଫି ଉପରେ ରଖିଛନ୍ତି । ମାର୍ଶଙ୍କ ଏପରି ବ୍ୟବହାରକୁ ନାପସନ୍ଦ କରିଛନ୍ତି କ୍ରିକେଟ୍‌ପ୍ରେମୀ । ଏହା କ୍ରିକେଟ୍‌ର ସବୁଠାରୁ ବଡ଼ ଟ୍ରଫି ପ୍ରତି ଅସମ୍ମାନ ବୋଲି କହିବା ସହ ମାର୍ଶଙ୍କୁ ଟ୍ରୋଲ୍ କରିଛନ୍ତି ନେଟିଜେନ୍ସ । ପ୍ରକାଶ ଥାଉ, ରବିବାର ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯାଇଥିବା ବିଶ୍ବକପ୍‌ ଫାଇନାଲ୍‌ ମ୍ୟାଚ୍‌ରେ ଭାରତକୁ ୭ ୱିକେଟ୍‌ରେ ହରାଇ ଚମ୍ପିଆନ୍‌ ହୋଇଥିଲା ଅଷ୍ଟ୍ରେଲିଆ । ଟୁର୍ଣ୍ଣାମେଣ୍ଟରେ ଭାରତୀୟ ଖେଳାଳିଙ୍କ ଦମଦାର ପ୍ରଦର୍ଶନ ସତ୍ତ୍ବେ ଫାଇନାଲ୍‌ ଜିତି ରେକର୍ଡ ଷଷ୍ଠ ଥର ପାଇଁ ଟାଇଟଲ୍ ହାତେଇଛି କଙ୍ଗାରୁ ଦଳ ।

ବ୍ୟୁରୋ ରିପୋର୍ଟ, ଇଟିଭି ଭାରତ