ନୂଆଦିଲ୍ଲୀ: ଦୁଇ ଷ୍ଟାର ଭାରତୀୟ ବ୍ୟାଡମିଣ୍ଟନ ଖେଳାଳି ସାଇନା ନେହୱାଲ ଓ କିଦାମ୍ବୀ ଶ୍ରୀକାନ୍ତଙ୍କୁ ବଡ ଝଟକା ।
ଅଲମ୍ପିକ ପଦକ ବିଜେତା ସାଇନା ନେହୱାଲ ଓ କିଦାମ୍ବୀ ଶ୍ରୀକାନ୍ତଙ୍କ ଟୋକିଓ ଅଲମ୍ପିକ୍ସ ସ୍ବପ୍ନ ଶୁକ୍ରବାର ଧୂଳିଶାତ ହୋଇଛି । ମହାମାରୀ କୋରୋନା ଭାଇରସ ସଂକ୍ରମଣ ଭୟ ଯୋଗୁଁ ଚଳିତ ବର୍ଷ ଟୋକିଓରେ ହେବାକୁ ଥିବା ଅଲମ୍ପିକ୍ସର ବ୍ୟାଡମିଣ୍ଟନ ଇଭେଣ୍ଟ ପାଇଁ ଆଉ କୌଣସି ଯୋଗ୍ୟତା ପର୍ଯ୍ୟାୟ ଟୁର୍ଣ୍ଣାମେଣ୍ଟ ଖେଳାଯିବ ନାହିଁ । ଏନେଇ ବ୍ୟାଡମିଣ୍ଟନର ସର୍ବୋଚ୍ଚ ପରିଚାଲା ବୋର୍ଡ ଘୋଷଣା କରିବା ପରେ ସାଇନା ଓ ଶ୍ରୀକାନ୍ତଙ୍କୁ ନିରାଶ ହେବାକୁ ପଡିଛି ।
15 ଜୁନ 2021 ସୁଦ୍ଧା ଯୋଗ୍ୟତା ଅର୍ଜନ ଅବଧି ଔପଚାରିକ ଭାବେ ଶେଷ ହୋଇଛି । ଫଳରେ ଟୋକିଓ ଅଲମ୍ପିକ୍ସ ପୂର୍ବରୁ ଆଉ କୌଣସି ଯୋଗ୍ୟତା ଅର୍ଜନ ଇଭେଣ୍ଟ ଖେଳାଯିବାର ନଥିବା ସ୍ପଷ୍ଟ କରିଛି BWF ।
ପିଭି ସିନ୍ଧୁ, ସାଇ ପ୍ରଣୀତ, ସାତ୍ବିକସାଇରାଜ ରେଙ୍କିରେଡ୍ଡି ଓ ଚିରାଗ ସେଟ୍ଟୀ ଟୋକିଓ ଅଲମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
