ଡେନମାର୍କ ଓପନ: ବାଦ ପଡିଲେ ସିନ୍ଧୁ-ସମୀର-ସାଇପ୍ରଣୀତ

ଡେନମାର୍କ ଓପନର ପ୍ରି-କ୍ବାଟର ରାଉଣ୍ଡରେ ପରାସ୍ତ ହେଲେ ପିଭି ସିନ୍ଧୁ, ସାଇପ୍ରଣୀତ ଓ ସମୀର ବର୍ମା ।

ହାଇଦ୍ରାବାଦ: ଡେନମାର୍କ ଓପନରରୁ ବାଦ ପଡିଲେ ପିଭି ସିନ୍ଧୁ । ସିନ୍ଧୁ ପ୍ରି- କ୍ବାଟରରେ 14-21, 17-21 ସେଟରେ ପରାଜିତ ହୋଇଛନ୍ତି । ମହିଳା ଏକକ ବର୍ଗରେ ଦକ୍ଷିଣ କୋରିଆର ସର୍ଟଲର ଆନ ସେ ୟଙ୍ଗଙ୍କ ସହ ସିନ୍ଧୁଙ୍କ ମୁକାବିଲା ହୋଇଥିଲା ।

ସେହିପରି ଅନ୍ୟତମ ଭାରତୀୟ ସର୍ଟଲର ସାଇପ୍ରଣୀତ ମଧ୍ୟ ପରାଜୟର ମୁହଁ ଦେଖିଛନ୍ତି । ଜାପାନର କେଣ୍ଟୋ ମୋମତାଙ୍କ ଠାରୁ 6-21, 14-21 ସେଟରେ ପରାସ୍ତ ହୋଇଛନ୍ତି ସାଇପ୍ରଣୀତ । ଏଥିସହିତ ଟୁର୍ଣ୍ଣାମେଣ୍ଟରୁ ବାଦ ପଡିଛନ୍ତି ।

ସେହିପରି ସମୀର ବର୍ମା ମଧ୍ୟ ପ୍ରି-କ୍ବାଟର ରାଉଣ୍ଡରେ ଚାଇନା ସର୍ଟଲର ଚେନ ଲଙ୍ଗଙ୍କ ଠାରୁ 12-21, 10-21 ସେଟରେ ପରାସ୍ତ ହୋଇଛନ୍ତି ।