ବାଲି(ଇଣ୍ଡୋନେସିଆ): BWF ୱାର୍ଲ୍ଡ ଟୁର୍ ଫାଇନାଲ୍ସ (World Tour Finals)ରେ ଭାରତୀୟ ଷ୍ଟାର ସର୍ଟଲର ପିଭି ସିନ୍ଧୁଙ୍କ ବିଜୟ ଅଭିଯାନ ଜାରି । ଦୁଇ ଥରର ଅଲମ୍ପିକ ପଦକ ବିଜେତା ସିନ୍ଧୁ ସେମିଫାଇନାଲ ମୁକାବିଲାରେ ଜାପାନର ଆକାନେ ୟାମାଗୁଚୀଙ୍କୁ ହରାଇ ଫାଇନାଲରେ ପ୍ରବେଶ କରିଛନ୍ତି ।
ମାଙ୍ଗୁପୁରା ହଲ୍ ୧ରେ ଖେଳାଯାଇଥିବା ସଂଘର୍ଷପୂର୍ଣ୍ଣ ସେମି ମୁକାବିଲାରେ ୟାମାଗୁଚୀଙ୍କୁ ୨୧-୧୫, ୧୫-୨୧, ୨୧-୧୯ ସେଟ୍ରେ ହରାଇଛନ୍ତି ସିନ୍ଧୁ। ଏହି ମ୍ୟାଚ୍ ଏକ ଘଣ୍ଟା ୧୦ ମିନିଟ ଧରି ଖେଳାଯାଇଥିଲା ।
ଏହାମଧ୍ୟ ପଢନ୍ତୁ: ଝାରସୁଗୁଡ଼ାରେ ପ୍ରମୋଦ ଭଗତଙ୍କୁ ସମ୍ବର୍ଦ୍ଧନା
ରବିବାର ଫାଇନାଲ ମୁକାବିଲାରେ ଦକ୍ଷିଣ କୋରିଆର ଆନ ସେୟଙ୍ଗ୍ଙ୍କୁ ଭେଟିବେ ସିନ୍ଧୁ । ସେୟଙ୍ଗ୍ ପୂର୍ବରୁ ପ୍ରଥମ ସେମିଫାଇନାଲରେ ଥାଇଲାଣ୍ଡର ପର୍ନପୱି ଚୋଚୁୟଙ୍ଗଙ୍କୁ ୨୫-୨୩, ୨୧-୧୭ ସେଟ୍ରେ ହରାଇ ଫାଇନାଲ ଟିକେଟ ହାତେଇଛନ୍ତି ।
ସିନ୍ଧୁ ଓ ୟାମାଗୁଚୀଙ୍କ ମଧ୍ୟରେ ଏହି ମୁକାବିଲା ୨୧ତମ ଭେଟ ଥିଲା । ଏହି ବିଜୟ ପରେ ସିନ୍ଧୁ ହେଡ୍ ଟୁ ହେଡ୍ ରେକର୍ଡରେ ୧୩-୮ରେ ଆଗରେ ରହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
