ମୁମ୍ବାଇ: ଖୁବଶୀଘ୍ର ନେଟଫ୍ଲିକ୍ସରେ ଦର୍ଶକ ଦେଖିବାକୁ ଯାଉଛନ୍ତି ଭୟାନକ ହରର ସିରିଜ 'ଟାଇପରାଇଟର' । ଯାହାର ନୂଆ ପୋଷ୍ଟର ସହ ରିଲିଜ ତାରିଖ ଆଜି ଘୋଷଣା ହୋଇଯାଇଛି । ଫିଲ୍ମ 'କହାନୀ' ଏବଂ 'ବଦଲା' ନିର୍ଦ୍ଦେଶକ ସିଜୋୟ ଘୋଷଙ୍କ ନିର୍ଦ୍ଦେଶନାରେ ତିଆରି ହୋଇଥିବା ଏହି ହରର ଫିଲ୍ମ ଜୁଲାଇ 19ରେ ନେଟଫ୍ଲିକ୍ସରେ ପ୍ରସାରଣ ହେବାକୁ ଯାଉଛି ।
ଯାହାର ସୂଚନା ଫିଲ୍ମ କ୍ରିଟିକ ଏବଂ ଟ୍ରେଡ ଆନାଲିଷ୍ଟ ତରଣ ଆଦର୍ଶ ଟ୍ବିଟରରେ ଦର୍ଶକଙ୍କୁ ଦେଇଛନ୍ତି । ସେ ସିରିଜର ଏକ ଶାନଦାର ପୋଷ୍ଟର ସେୟାର କରି ସିରିଜର ରିଲିଜ ତାରିଖ ଘୋଷଣା କରିଛନ୍ତି ।
'ଟାଇପରାଇଟର'ର କାହାଣୀ ତିନୋଟି ବନ୍ଧୁକୁ ନେଇ ପର୍ଯ୍ୟବେଶିତ । ସିରିଜରେ ଗୋଆର ହରର କାହାଣୀ ଦେଖିବାକୁ ମିଳିବ । ଏଥିରେ ମୁଖ୍ୟ ଭୂମିକାରେ ନଜର ଆସିବେ ପୂରବ କୋହଲୀ, ପାଲୋମୀ ଘୋଷ, ସମୀର କୋଚର, ଅରାନ ଶର୍ମା, ମିଖାଇଲ ଗାନ୍ଧୀ, ପଲାସ କମ୍ବେଲ ଓ ଆର୍ୟନଶ ମାଲଭିୟା ।
ପ୍ରକାଶ ଥାଉକି ଗତ ବର୍ଷ ନଭେମ୍ବରରେ ଏହି ସିରିଜର ଘୋଷଣା ସିଙ୍ଗାପୁରରେ ହୋଇଥିଲା । କିନ୍ତୁ ଇତିମଧ୍ୟରେ ଅନେକ ସିରିଜ ରିଲିଜ ହୋଇଥିବାରୁ ଟାଇପରାଇଟର ରିଲିଜକୁ ସ୍ଥଗିତ ରଖାଯାଇଥିଲା ।
