ମୁମ୍ବାଇ: ଛୋଟ ପରଦାରେ ସବୁଠାରୁ ଲୋକପ୍ରିୟ ଧାରାବାହିକ ‘ବାଲିକା ବଧୂ'କୁ ନେଇ ନୂଆ ଖବର । ପୁଣି ସମସ୍ତଙ୍କ ଟିଭି ପରଦାରେ ଦେଖିବାକୁ ମିଳିବ ଧାରାବାହିକର ଯାଦୁ । ଦର୍ଶକଙ୍କ ଠାରୁ ଏହି ସିରିୟଲ ଭଲ ପାଇବା ଦେଖି ଏହାର ଦ୍ବିତୀୟ ସିଜନ ଆଣିବାକୁ ଯାଉଛନ୍ତି ମେକର୍ସ । ଯାହାର ନୂଆ ପ୍ରୋମୋ ଭିଡିଓ ଜାରି କରି ସମସ୍ତଙ୍କ ଏକ୍ସାଇଟମେଣ୍ଟ ବଢାଇ ଦେଇଛନ୍ତି ମେକର୍ସ ।
- " class="align-text-top noRightClick twitterSection" data="">
କଲର୍ସ ଟିଭି ଇନଷ୍ଟାଗ୍ରାମ ପେଜରେ ଏହି ପ୍ରୋମୋ ଭିଡିଓ ସେୟାର କରାଯାଇଛି । ଯାହାକୁ ପସନ୍ଦ କରୁଛନ୍ତି ଫ୍ୟାନ୍ସ । ପ୍ରୋମୋର ଆରମ୍ଭରେ ଏହି ଶୋର ଥିମ ସଙ୍ଗ ଶୁଣିବାକୁ ମିଳୁଛି ।
ସେହିପରି ଏକ କୁନି ଝିଅ ତିନି ଚକିଆ ଖେଳନା ଗାଡି ଧରିଥିବାର ଦେଖାଯାଉଛି । ତାପରେ ଜଣେ ମହିଳା ଝିଅକୁ ଦେଖି କହୁଛନ୍ତି ଯେ ସେ କେତେ ସୁନ୍ଦର । ଏଥିପାଇଁ ତାଙ୍କୁ ରାଜକୁମାର ଖୋଜିବାକୁ ପଡ଼ିବ । ଭିଡିଓର ଏହି ବାର୍ତ୍ତା ଦିଆଯାଇଛି ଯେ ସମାଜରେ ଚାଲିଥିବା ବାଲ୍ୟ ବିବାହ ପ୍ରଥା ହଟାଇବା ପାଇଁ ଆଉ ଜଣେ ଆନନ୍ଦିଙ୍କ ଜନ୍ମ ହୋଇଛି ।’
ପ୍ରକାଶ ଥାଉକି ଏଥର ଶୋରେ ଶ୍ରେୟା ପଟେଲ ଓ ବଂଶ ସୟାନୀ ମୁଖ୍ୟ ଭୂମିକାରେ ନଜର ଆସିବେ ।
