ମୁମ୍ବାଇ: ଛୋଟ ପରଦାର ଲୋକପ୍ରିୟ ଅଭିନେତା ତଥା ‘ବିଗବସ 13’ର ବିଜେତା ସିଦ୍ଧାର୍ଥ ଶୁକ୍ଲାଙ୍କୁ ନେଇ ନୂଆ ଚର୍ଚ୍ଚା । ସବୁବେଳେ ନିଜ ରିଲେସନଶିପ କଥା ଉପରେ ମୌନ ବ୍ରତ ପାଳି ଆସୁଥିବା ସିଦ୍ଧାର୍ଥ ସ୍ବୀକାର କରିଛନ୍ତି ଯେ ତାଙ୍କର ଗାର୍ଲଫ୍ରେଣ୍ଡ ଅଛନ୍ତି । ଯାହାକୁ ଶୁଣି ନିରାଶ ତାଙ୍କ ଫିମେଲ ଫ୍ୟାନ୍ସ । ଆଜ୍ଞା ହଁ, ସେ ରିୟାଲିଟି ଶୋ ‘ବିଗବସ 13’ ହାଉସରେ ନିଜ ଗାର୍ଲଫ୍ରେଣ୍ଡଙ୍କ ବିଷୟରେ ଜଣାଇଛନ୍ତି । ତାଙ୍କ ଏହି ବୟାନ ପରେ ସମସ୍ତେ ପଞ୍ଜବୀ ଅଭିନେତ୍ରୀ ସେହନାଜ ଗିଲଙ୍କୁ ତାଙ୍କ ଗାର୍ଲଫ୍ରେଣ୍ଡ ଭାବୁଛନ୍ତି ।
କଥାଟି ହେଲା ଯେ ବିଗବସ ହାଉସରେ ଏକ ଟାକ୍ସ ରଖାଯାଇଥିଲା । ଏହି ସମୟରେ ସିଦ୍ଧାର୍ଥ ଅଭିନେତ୍ରୀ ଗୌହର ଖାନଙ୍କୁ କହୁଥିବାର ନଜର ଆସୁଛନ୍ତି, ‘ତୁମେ ମତେ ଟଚ୍ କରନି । କାରଣ ଘରେ ମୋର ଗାର୍ଲଫ୍ରେଣ୍ଡ ଅଛି ରାଗିବ ।’
ପ୍ରକାଶ ଥାଉକି ବିଗବସ ସିଜନ 13 ପରଠୁ ସିଦ୍ଧାର୍ଥ ଓ ସେହନାଜଙ୍କୁ ନେଇ ବେଶ୍ ଚର୍ଚ୍ଚା ହୋଇଥିଲା । ଏହି ଯୋଡି ମ୍ୟୁଜକ ଭିଡିଓ‘ ଭୁଲା ଦୁଙ୍ଗା’ରେ ମଧ୍ୟ ଏକାଠି ଅଭିନୟ କରିଥିଲେ । ସେହନାଜ ସବୁବେଳେ ଖୁଲମଖୁଲାମ ସିଦ୍ଧାର୍ଥଙ୍କୁ ଭଲ ପାଇବା କଥା କହୁଥିବା ବେଳେ ଅଭିନେତା ଚୁପ ରହିଥାଆନ୍ତି । ହେଲେ ଏଥର ସେ ସମସ୍ତଙ୍କୁ ହିଣ୍ଟ ଦେଇସାରିଛନ୍ତି ଯେ ତାଙ୍କର ଗାର୍ଲଫ୍ରେଣ୍ଡ ଅଛନ୍ତି ।
