ମୁମ୍ବାଇ: ଟେଲି ଅଭିନେତା ପ୍ରାଚୀନ ଚୌହାନ ଗିରଫ । ଜଣେ ଯୁବତୀଙ୍କୁ ନିର୍ଯାତନା ଦେବା ଅଭିଯୋଗରେ ତାଙ୍କୁ ଗିରଫ କରାଯାଇଛି ।
ସୂଚନା ଅନୁଯାୟୀ ଆଜି(ଶନିବାର) ମୁମ୍ବାଇ ପୋଲିସ ଟେଲି ଅଭିନେତା ପ୍ରାଚୀନ ଚୌହାନଙ୍କୁ ଗିରଫ କରିଛି । ପୋଲିସ ଅଭିଯୋଗକାରୀ ଯୁବତୀଙ୍କ ବୟାନ ଅନୁଯାୟୀ ଧାରା 354, 342, 323 ଏବଂ 506(2) ଆଧାରରେ ଅଭିନେତାଙ୍କୁ ଗିରଫ କରି ତଦନ୍ତ ଆରମ୍ଭ କରିଛି । ତେବେ ପ୍ରାଚୀନ 'କସୌଟୀ ଜିନ୍ଦେଗୀ କି' ସିରିଏଲରେ ଅଭିନୟ ଆରମ୍ଭ କରିଥିଲେ । ଏହାପରେ ସେ ଏକାଧିକ ସିରିଏଲରେ ଅଭିନୟ କରି ଘରେ ଘରେ ପରିଚିତ ହୋଇଥିଲେ ।
ତେବେ କିଛିଦିନ ତଳେ ଟେଲି ଅଭିନେତା ପର୍ଲ ଭି ପୁରୀ ନାବାଳିକାକୁ ଦୁଷ୍କର୍ମ କରିବା ଅଭିଯୋଗରେ ଗିରଫ ହେବା ପରେ ସିରିଏଲ ଜଗତରେ ଚାଞ୍ଚଲ୍ୟ ସୃଷ୍ଟି ହୋଇଯାଇଥିଲା । ଏବେ ପୁଣି ପ୍ରାଚୀନ ଚୌହାନଙ୍କୁ ମଧ୍ୟ ଯୁବତୀଙ୍କୁ ନିର୍ଯାତନା ଦେବା ଅଭିଯୋଗରେ ଗିରଫ କରାଯାଇଛି । ସବୁଠୁ ବଡ କଥା ହେଉଛି କି ଉଭୟ ପର୍ଲ ଭି ଏବଂ ପ୍ରାଚୀନ ଏକତା କପୁର ଟିଭି ସିରିଏଲରେ କାର୍ଯ୍ୟ କରୁଥିଲେ ।
@ANI
