ମୁମ୍ବାଇ: ଗୁରୁବାର ଦିନ ମ୍ୟୁଜିକ ଇଣ୍ଡଷ୍ଟ୍ରିର ପପୁଲାର ଗାୟକ ସୋନୁ ନିଗମ ତାଙ୍କର ଜନ୍ମଦିନ ପାଳନ କରୁଛନ୍ତି । ଏହି ଆନନ୍ଦଦାୟକ ଅବସରରେ ସୋନୁ ତାଙ୍କର ମ୍ୟୁଜିକ୍ ଲେବଲ୍ ଲଞ୍ଚ କରିଛନ୍ତି ।
ଗାୟକ ତାଙ୍କର ନୂତନ ଗୀତ 'ରୁଦ୍ରାଶତକମ୍' କୁ 31 ଜୁଲାଇରେ ତାଙ୍କ ଲେବଲ୍ "ଆଇ ବିଲିଭ ମ୍ୟୁଜିକ" ରେ ରିଲିଜ୍ କରିବେ । ଏହି ଗୀତ ତାଙ୍କର ଆଧ୍ୟାତ୍ମିକତାକୁ ଫେରିବାରେ ଚିହ୍ନିତ କରେ ।
ସୋନୁ କହିଛନ୍ତି, "ଆଇ ବିଲିଭ ମ୍ୟୁଜିକ" ରେ ମୁଁ ବହୁତ ସମୟ ଧରି କାମ କରିଆସୁଥିଲି । ବର୍ତ୍ତମାନ, ସ୍ବତନ୍ତ୍ର ସଙ୍ଗୀତର ପୁନରୁଥାନ ସହିତ ମୁଁ ବିଶ୍ୱାସ କରେ ଏହା ଏକ ଭଲ ସମୟ । 'ରୁଦ୍ରାଶତକମ୍'କୁ 31 ଜୁଲାଇରେ ମୋର ଲେବଲ୍ "ଆଇ ବିଲିଭ ମ୍ୟୁଜିକ"ରେ ରିଲିଜ୍ କରିବି ।
- " class="align-text-top noRightClick twitterSection" data="
">
ପ୍ରକାଶ ଥାଉ କି, ସୁଶାନ୍ତଙ୍କ ନିଧନ ପରେ କିଛି ଷ୍ଟାର୍ସଙ୍କ ଉପରେ ଭେଦଭାବ ଅଭିଯୋଗ ଫ୍ୟାନ୍ସ ଆଣିଥିବାବେଳେ ସୋନୁ ମଧ୍ୟ ମ୍ୟୁଜିକ ଇଣ୍ଡଷ୍ଟ୍ରିର କଳା ସତ ସମସ୍ତଙ୍କୁ ଜଣାଇ ଚର୍ଚ୍ଚାରେ ଥଲେ । ସେ ନିକଟରେ ମ୍ୟୁଜିକ ଇଣ୍ଡଷ୍ଟ୍ରିରେ ଚାଲିଥିବା ମାଫିଆଗିରି, ଗୁଣ୍ଡାରାଜ ପାଇଁ ନିରୀହ ପିଲା ଆତ୍ମହତ୍ୟା କରିପାରନ୍ତି ବୋଲି କହିଥିଲେ । ତେଣୁ ସଙ୍ଗୀତ କଳାକାରମାନଙ୍କୁ ନୂତନ କଳାକାରଙ୍କ ପ୍ରତି ଦୟାଳୁ ହେବାକୁ ସେ ନିବେଦନ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ