ମୁମ୍ବାଇ: ସଲମାନ ଖାନଙ୍କ ରିୟାଲିଟି ଶୋ ବିଗ ବସ 13ରେ ସବୁଠାରୁ ଚର୍ଚ୍ଚିତ ପ୍ରତିଯୋଗୀ ରୂପେ ସିଦ୍ଧାର୍ଥ ଶୁକ୍ଲା ଦର୍ଶକଙ୍କ ମନୋରଞ୍ଜନ କରୁଛନ୍ତି । କିଛି ଦିନ ପୂର୍ବେ ସିଦ୍ଧାର୍ଥ ଅସୁସ୍ଥ ହୋଇଯାଇଥିଲେ । ଯାହାଦ୍ବାରା ବିଗ ବସ ହାଉସରେ ତାଙ୍କ ଗେମ ଟିକେ ଡାଉନ ହୋଇଯାଇଥିଲା । କିନ୍ତୁ ପୁଣିଥରେ ସେ ନିଜ ଗେମକୁ ଫେରିଛନ୍ତି ।
ବର୍ତ୍ତମାନ ସୋସିଆଲ ମିଡିଆରେ ତାଙ୍କର ଏକ ଭିଡିଓ ଭାଇରାଲ ହେଉଛି । ଏଥର ସେ ସେହନାଜ ଗିଲଙ୍କ ପରିବର୍ତ୍ତେ ପ୍ରତିଯୋଗୀ ଶେଫାଳି ବାଗାଙ୍କ ସହ ଫ୍ଲଟିଂ କରୁଥିବାର ନଜର ଆସୁଛନ୍ତି । ଖାଲି ଏତିକି ନୁହେଁ ସେ ଶେଫାଳିଙ୍କୁ ଲାଇକ କରୁଛନ୍ତି ମଧ୍ୟ ଖୁଲମଖୁଲା କହୁଛନ୍ତି । ଯାହାକୁ ନେଇ ଶେଫାଳି ଆଶ୍ଚର୍ଯ୍ୟ । ସିଦ୍ଧାର୍ଥଙ୍କ ଏପରି ବ୍ୟବହାର ଦେଖି ଫ୍ୟାନ୍ସଙ୍କୁ ଲାଗୁଛି ସେ ଶେଫାଳିଙ୍କ ସହ ମସ୍ତି କରୁଛନ୍ତି ।
କାରଣ ସିଦ୍ଧାର୍ଥ ଓ ସେହନାଜଙ୍କ ମସ୍ତିଭରା ରୋମାନ୍ସକୁ ପୂର୍ବରୁ ଶୋରେ ଦେଖିସାରିଛନ୍ତି ଦର୍ଶକ । ନିକଟରେ ଦୁଇଜଣଙ୍କ ସମ୍ପର୍କରେ ଫାଟକ ସୃଷ୍ଟି ହୋଇଥିଲା କିନ୍ତୁ ଏବେ ପୁଣି ପୂର୍ବଭଳି ଏକାଠି ମସ୍ତି କରୁଥିବାର ଦେଖାଯାଉଛନ୍ତି ଏହି ଯୋଡି ।
