ହାଇଦ୍ରାବାଦ: ୨୦୨୧ ସେପ୍ଟେମ୍ବର ୨ତାରିଖ, ହଠାତ ଖବର ଆସିଲା ବିଗବସ ୧୩ ବିଜେତା ସିଦ୍ଧାର୍ଥ ଶୁକ୍ଳା (Bigg Boss 13 winner Sidharth Shukla) ଆଉ ନାହାନ୍ତି । ଯାହା କିଛି ସମୟ ପାଇଁ ସମସ୍ତଙ୍କୁ ସ୍ତବ୍ଧ କରିଦେଇଥିଲା । ଆଉ ମାତ୍ର ୪୦ ବର୍ଷ ବୟସରେ ହୃଦଘାତ ଯୋଗୁଁ ସମସ୍ତଙ୍କୁ ଛାଡି ଆରପାରିକୁ ଚାଲିଯାଇଥିଲେ ସିଦ୍ଧାର୍ଥ । ସେ ଏବେ ଏଇ ଦୁନିଆରେ ନାହାନ୍ତି ସତ ହେଲେ ଆଜିବି ଫ୍ୟାନ୍ସ ମାନେ ତାଙ୍କୁ ଭୁଲି ପାରିନାହାନ୍ତି । ଆଜି ସେହି ଟେଲିଭିଜନର ହ୍ୟାଣ୍ତସମ ହଙ୍କ ତଥା ଅଭିନେତା ସିଦ୍ଧାର୍ଥ ଶୁକ୍ଲାଙ୍କ ଜନ୍ମଦିନ । ଆଜିର ଦିନରେ ୧୯୮୦ ମସିହାରେ ସେ ଜନ୍ମ ଗ୍ରହଣ କରିଥିଲେ ସିଦ୍ଧାର୍ଥ (Sidharth Shukla Birthday) । ନିଜର ହ୍ୟାଣ୍ଡସମ ଲୁକ ଓ ଜବରଦସ୍ତ ଆକ୍ଟିଂରେ ସିରିଏଲ ହେଉ ଅବା ଆଲବମ ସବୁ ଥିରେ ସେ ଫ୍ୟାନ୍ସଙ୍କୁ ବାନ୍ଧି ରଖିଥିଲେ ।
୨୦୦୮ରେ ଟେଲିଭିଜନ ଦୁନିଆ ବାଲିକା ବଧୂରେ ଡେବ୍ୟୁ କରିଥିଲେ ସିଦ୍ଧାର୍ଥ । ଏହାପରେ ବଲିଉଡରେ ମଧ୍ୟ ଡେବ୍ୟୁ କରିଥିଲେ । ସେ ୨୦୧୫ରୁ ୨୦୧୮ ମଧ୍ୟରେ ସାବଧାନ ଇଣ୍ଡିଆ ଓ ଇଣ୍ଡିଆଜ ଗଟ ଟ୍ୟାଲେଣ୍ଟରେ ଉପସ୍ଥାପକ ଥିବାବେଳେ Khatron Ke Khiladiରେ ନଜର ଆସିଥିଲେ । ସେଥିରେ ଉଇନର ମଧ୍ୟ ହୋଇଥିଲେ ସେ । ଏହାପରେ ଟେଲି ସିରିଏଲ Dil Se Dil Tak ରେ ଅଭିନୟ କରିଥିଲେ ।
୨୦୧୯ରେ ସିଦ୍ଧାର୍ଥ ସବୁଠାରୁ ଚର୍ଚ୍ଚିତ ରିଆଲିଟି ଶୋ ବିଗବସ ୧୩ର ବିଜେତା ମଧ୍ୟ ହୋଇଥିଲେ ସିଦ୍ଧାର୍ଥ । ବିଗବସ ବିଜେତା ହେବାପରେ ସେ ଅନେକ ଅଲବମରେରେ ମଧ୍ୟ କାମ କରିଛନ୍ତି । ମୃତ୍ୟୁ ପରେ ମଧ୍ୟ ତାଙ୍କର ଏକ ଅଲବମ ରିଲିଜ ହୋଇଥିଲା । ତେବେ ସିଦ୍ଧାର୍ଥଙ୍କ ମୃତ୍ୟୁକୁ ୩ ମାସ ବିତିଯାଇଥିଲେ ମଧ୍ୟ ଆଜିବି ଫ୍ୟାନ୍ସ ମାନେ ଏହାକୁ ଗ୍ରହଣ କରିପାରୁନାହାନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
