ମୁମ୍ବାଇ: ଲୋକପ୍ରିୟ ରିଆଲିଟି ଶୋ' ବିଗବସ୍ 13 । ନିକଟରେ ଶୋ' ର ବଢୁଥିବା ଲୋକପ୍ରିୟତାକୁ ଦୃଷ୍ଟିରେ ରଖି କାର୍ଯ୍ୟକ୍ରମକୁ ଆହୁରି 5 ସପ୍ତାହ ବଢାଯାଇଛି । ଅର୍ଥାତ ଶୋ' ଏବେ ଫେବୃଆରୀ ମାସ ପର୍ଯ୍ୟନ୍ତ ଚାଲିବ । ଯାହାକୁ ନଜରରେ ରଖି 3 ପୁରୁଣା ସଦସ୍ୟଙ୍କର ହୋଇଛି ୱାଇଲ୍ଡ କାର୍ଡ ଏଣ୍ଟ୍ରି । ଏହି ତିନି ସଦସ୍ୟ ହେଉଛନ୍ତି ଅରହାନ ଖାନ୍, ସେଫାଲି ବଗ୍ଗା ଏବଂ ମଧୁରିମା ତୁଳି ।
ଯେଉଁଠି ଅରହାନ ଏବଂ ସେଫାଲି ପ୍ରଥମରୁ ହିଁ ବିଗବସ୍ ହାଉସରୁ ଏଲିମିନେଟ୍ ହୋଇସାରିଥିଲେ । ଏବେ ପୁଣି ହାଉସରେ ନଜର ଆସିବେ । ଅନ୍ୟପଟେ ମଧୁରିମା ତୁଳି ପ୍ରଥମଥର ପାଇଁ ଘରେ ଏଣ୍ଟ୍ରୀ କରୁଛନ୍ତି ।
ତେବେ ଏହି କିଛି ସପ୍ତାହ ଧରି ସିଦ୍ଧାର୍ଥ ଏବଂ ରଶ୍ମିଙ୍କ ଖୁବ୍ ଭଲ କେମେଷ୍ଟ୍ରୀ ବିଗବସ୍ ହାଉସରେ ଦେଖିବାକୁ ମିଳିଥିଲା । ଆଉ ଏବେ ଅରହାନଙ୍କ ଆସିବା ପରେ ସବୁ ବଦଳି ଯାଇଛି । ସବୁଠାରୁ ବଡ କଥା ହେଲା ଅରହାନ ଘରେ ଏଣ୍ଟ୍ରି କରିବା କ୍ଷଣି ହିଁ ରଶ୍ମୀଙ୍କୁ ମୁଦି ପିନ୍ଧାଇ ପ୍ରୋପଜ କରିଥିଲେ । ଯାହାକୁ ନେଇ ସମସ୍ତେ ଗାର୍ଡେନ ଏରିଆରେ ଏକତ୍ରିତ ହୋଇଥିଲେ । ମାତ୍ର ସେଠାରେ ସିଦ୍ଧାର୍ଥ କିନ୍ତୁ ଅନୁପସ୍ଥିତ ଥିଲେ । ଆଉ ତାଙ୍କ ବ୍ୟବହାରରୁ ମଧ୍ୟ ଏହା ସ୍ପଷ୍ଟ ପ୍ରତିତ ହେଉଛି ସେ ଏସବୁ ଦେଖି କିଛି ଖାସ୍ ଖୁସି ନାହାନ୍ତି ।
ଏବେ ଦେଖିବାକୁ ବାକି ରହିଲା, ଆଗକୁ ସିଡ୍ ଏବଂ ରଶ୍ମିଙ୍କ କେମେଷ୍ଟ୍ରି ପୁଣି କେବେ ଦେଖିବାକୁ ମିଳିବ ।
