ହାଇଦ୍ରାବାଦ: ଖୁବ ଶୀଘ୍ର ବିଗ ବସ ନିଜର 13ତମ ସିଜିନ ନେଇକି ଆସୁଛି ଓ ଏହାକୁ ହୋଷ୍ଟ କରିବେ ଭାଇଜାନ । ରିପୋର୍ଟ ଅନୁସାରେ, ଚଳିତ ବର୍ଷ ସେପ୍ଟେମ୍ବର 29ରେ ବିଗବସର ହେବ ଗ୍ରାଣ୍ଡ ପ୍ରିମିୟର ଓ 15 ସପ୍ତାହର ପରୀକ୍ଷା ପରେ ଜାନୁଆରୀ 12 ରେ ହେବ ଗ୍ରାଣ୍ଡ ଫିନାଲେ ।
ତେବେ ଏ ବର୍ଷ ଲୋନାଭାଲାରେ ନୂହେଁ ବରଂ ମୁମ୍ବାଇ ଫିଲ୍ମ ସିଟିରେ ତିଆରି ହେବ ବିଗବସ ହାଉସ । ଏଥିରେ ପ୍ରତିଯୋଗୀ ଭାବରେ ଯୋଗଦେବେ କିଛି ସେଲିବ୍ରିଟି ମାତ୍ର ଏଥର କୌଣସି ସାଧାରଣ ବ୍ୟକ୍ତି ଯୋଗଦେବେ ନାହିଁ ।
ତେବେ ମାଧୁରୀ ଦିକ୍ଷିତଙ୍କ ଡ୍ୟାନ୍ସ ଦିୱାନେ ସିଜିନ 2 ଜୁନ 15ରେ ଟେଲିକାଷ୍ଟ ହେବାକୁ ଯାଉଛି । ଏହାର ଫିନାଲେ ସେପ୍ଟେମ୍ବର 28ରେ ଅଛି । ତେବେ ଏ ଯାଏଁ କୌଣସି ପ୍ରତିଯୋଗୀଙ୍କ ନାମ ଘୋଷଣା ହୋଇନଥିଲେ ମଧ୍ୟ ଆଶା କରାଯାଉଛି କରଣ ପଟେଲ, ବିବେକ ଡାହିୟା, ଜୟ ଭାନୁସାଲୀ, ମାହି ଭିଜ, ନବଜ୍ୟୋତ ଗୁରୁଦତ୍ତା ପ୍ରତିଯୋଗୀ ହୋଇପାରନ୍ତି ।
