ମୁମ୍ବାଇ: ସୁପରଷ୍ଟାର ସଲମାନ ଖାନଙ୍କ ରିୟାଲିଟି ଶୋ ବିଗବସରେ ସବୁଥର ପ୍ରତିଯୋଗୀଙ୍କ ପ୍ରେମ କାହାଣୀ ନିହାତି ଦେଖିବାକୁ ମିଳିଥାଏ । କିଛି ପ୍ରେମ କାହାଣୀ ବିଗବସ ହାଉସରେ ସୀମିତ ଥିବା ବେଳେ ଆଉ କିଛି ହାଉସ ବାହାରେ ମଧ୍ୟ ଜୋରସୋରରେ ଚାଲିଥାଏ। ଏବର୍ଷ ସିଜନରେ ମଧ୍ୟ ଦୁଇ ପ୍ରତିଯୋଗୀଙ୍କ ମଧ୍ୟରେ ଦେଖିବାକୁ ମିଳୁଛି ରୋମାଣ୍ଟିକ ଅନ୍ଦାଜ।
ଆଜ୍ଞା ହଁ, ବିଗବସ 14ର ପ୍ରେମ କାହାଣୀ ନିକ୍କି ତମ୍ବୋଲି ଓ ଜାନ କୁମାର ସାନୁଙ୍କ ମଧ୍ୟରେ ଆରମ୍ଭ ହେଉଛି । ଯାହାକୁ ନେଇ ଦର୍ଶକଙ୍କ ମଧ୍ୟରେ ଚର୍ଚ୍ଚା । ଖାଲି ଏତିକି ନୁହେଁ ନିକ୍କିଙ୍କୁ କିସ୍ କରି ଦର୍ଶକଙ୍କ ଏକ୍ସାଇଟମେଣ୍ଟ ବଢାଇ ଦେଇଛନ୍ତି ଜାନ୍ ।
ବିଗବସ ହାଉସରେ ଏହି ଯୋଡିଙ୍କ ମଧ୍ୟରେ କେବେ ନୋକ-ଝୋକ ତ କେବେ ପ୍ରେମଭରା ଅନ୍ଦାଜ ଦେଖିବାକୁ ମିଳୁଛି । ନିକ୍କିଙ୍କ ଉପରେ ହୃଦୟ ହାରି ବସିଛନ୍ତି ଜାନ୍। ହେଲେ ନିକ୍କି କେବଳ ତାଙ୍କୁ ନିଜର ଭଲ ସାଙ୍ଗ ମାନୁଛନ୍ତି ବୋଲି ଅନେକ ଥର କହିସାରିଲେଣି ।
ସବୁଠୁ ମଜାଦାର କଥା ହେଲା ଯେ ଏଥର ‘ୱିକେଣ୍ଡ କା ୱାର’ ଏପିସୋଡରେ ଏହି ଦୁଇଜଣଙ୍କ ମଧ୍ୟ କିଛି କଥାକୁ ନେଇ ଝଗଡା ହୋଇଥିଲା । ଆଉ ପରସ୍ପର ଉପରେ ରାଗି ବସିଥିଲେ ଏହି ଯୋଡି । କିନ୍ତୁ ଜାନ୍ ନିଜ ବିନ୍ଦାସ ଅନ୍ଦାଜରେ ନିକ୍କିଙ୍କୁ କିସ୍ କରି ମାମଲାକୁ ଥଣ୍ଡା କରିଛନ୍ତି।
