ମୁମ୍ବାଇ: ୟୁବିକା ଚୌଧୁରୀ ଓ ପ୍ରିନ୍ସ ନରୁଲା ଟିଭିର ପପୁଲାର ଯୋଡି ମଧ୍ୟରେ ଅନ୍ୟତମ । ଫ୍ୟାନ୍ସଙ୍କ ଠାରୁ ଏହି ଯୋଡିକୁ ଖୁବ୍ ଭଲ ପାଇବା ମିଳେ । ହେଲେ ଏବେ ଭିନ୍ନ ଏକ କାରଣ ପାଇଁ କିଛି ଦିନରୁ ଚର୍ଚ୍ଚାରେ କପଲ । ବର୍ତ୍ତମାନ ଚର୍ଚ୍ଚାରେ ୟୁବିକାଙ୍କ ଗର୍ଭବତୀ କଥା । କାରଣ ନିକଟରେ ସେ ସୋସିଆଲ ମିଡିଆରେ ନିଜର ଏକ ଭିଡିଓ ସେୟାର କରିଥିଲେ । ଯେଉଁଥିରେ ସେ ପିଙ୍କ ଅନାରକଲି ସୁଟ ପିନ୍ଧିଥିବାର ଦେଖାଯାଇଥିଲା । ଏହାକୁ ଦେଖି ଫ୍ୟାନ୍ସ ଅନୁମାନ ଲଗାଇଥିଲେ ଯେ ୟୁବିକା ଗର୍ଭବତୀ ଅଛନ୍ତି । ଯାହାପରେ ତାଙ୍କୁ ଫ୍ୟାନ୍ସଙ୍କ ଶୁଭେଚ୍ଛା ମିଳିବା ମଧ୍ୟ ଆରମ୍ଭ ହୋଇଯାଇଥିଲା ।
ହେଲେ ଏବେ ଏହାକୁ ଖଣ୍ଡନ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି ସେ। ଏହି ଖବର ଉପରେ ଫୁଲଷ୍ଟପ ଲଗାଇ ସେ କହିଛନ୍ତି, ‘ମୁଁ ଗର୍ଭବତୀ ନାହିଁ । ମୋ ଏକ ରୋଗରୁ ବର୍ତ୍ତମାନ ସୁସ୍ଥ ହୋଇଛି । ମତେ କୋରୋନା ହୋଇଥିଲା ଆଉ ଏହା ପରେ ଡେଙ୍ଗୁ । ମୋ ଗର୍ଭବତୀ କଥା ସମ୍ପୂର୍ଣ୍ଣ ମିଛ । ଯାହା ଶୁଣି ମତେ ହସ ଲାଗୁଛି । ମୁଁ ମା' ହେବାକୁ ଚାହୁଁଛି । ହେଲେ ସେ ସମୟ ଏବେ ଆସିନାହିଁ । ଯେବେ ଆସିବ ମୁଁ ନିଜେ ଆପଣଙ୍କ ସହ ସେୟାର କରିବି ।’
- " class="align-text-top noRightClick twitterSection" data="
">
