ମୁମ୍ବାଇ: ଟିଭିର ଫେମସ ସିଙ୍ଗିଂ ରିୟାଲିଟି ଶୋ ‘ଇଣ୍ଡିଆନ ଆଇଡଲ 12’ ଗତ କିଛି ଦିନରୁ ବିବାଦ ଘେରରେ ରହିଆସୁଛି । ଶୋର ୱିକେଣ୍ଡ ଏପିସୋଡ ସମାଲୋଚନାର ଶିକାର ହେବାରେ ଲାଗିଛି। ଏହି ଏପିସୋଡରେ କିଶୋର କୁମାରଙ୍କୁ ଶ୍ରଦ୍ଧାଞ୍ଜଳି ଦେଇଥିଲେ ପ୍ରତିଯୋଗୀ । ଯେଉଁଥିରେ କିଶୋରଙ୍କ ପୁଅ ତଥା ଗାୟକ ଅମିତ କୁମାର ଅତିଥି ରୂପେ ଯୋଗ ଦେଇଥିଲେ । ସେ ମଧ୍ୟ ଶୋର ସମାଲୋଚନା କରି ଶୋ ବନ୍ଦ କରିବାର ଦାବି କରିଥିଲେ । ଇତିମଧ୍ୟରେ ଶୋର ହୋଷ୍ଟ, ଗାୟକ ଆଦିତ୍ୟ ନାରାୟଣ ଏହି ମାମଲା ଉପରେ ପ୍ରତିକ୍ରିୟା ରଖିଛନ୍ତି ।
ଆଉ କହିଛନ୍ତି, ‘ସବୁ ଘରର ମମି-ପାପା ରିମୋଟ ଉପରେ କବଜା କରିନେଇଛନ୍ତି । ସେମାନେ ଇଣ୍ଡିଆନ ଆଇଡଲ ଦେଖୁଛନ୍ତି । ଏହି କଥା ଯୁବପିଢୀଙ୍କୁ ଆଦୌ ପସନ୍ଦ ଆସୁନାହିଁ । ସେପଟେ ଆଇପିଏଲ ମ୍ୟାଚ ବନ୍ଦ ହେବାରୁ ନିରାଶ ଅଛନ୍ତି ଅନେକ ଯୁବପିଢୀ । ଆଇପିଏଲ ବନ୍ଦ ହେବାରୁ ଏମାନଙ୍କ ରାଗର ଶିକାର ଇଣ୍ଡିଆନ ଆଇଡଲ ଭଳି ଶୋ ହେଉଛି । ତେଣୁ ଏହାକୁ ବନ୍ଦ କରିବାର ଦାବି କରାଯାଉଛି ।’
