ମୁମ୍ବାଇ: ଛୋଟ ପରଦାର ଫେମସ ରିୟାଲିଟି ଶୋ ‘ବିଗବସ’ର ନୂଆ ସିଜନ ତଥା ‘ବିଗବସ 14’ରେ 13 ବିଜେତା ସିଦ୍ଧାର୍ଥ ଶୁକ୍ଲା ତୁଫାନୀ ସିନିୟର ଭୂମିକାରେ ନଜର ଆସୁଛନ୍ତି । ସେ ଶୋରେ ଦୁଇ ସପ୍ତାହ ପର୍ଯ୍ୟନ୍ତ ଦେଖାଯିବେ । ଫ୍ୟାନ୍ସ ମଧ୍ୟ ତାଙ୍କୁ ଶୋରେ ଦେଖି ଖୁସି ଅଛନ୍ତି । ହେଲେ ଏବର୍ଷ ଶୋରେ ସାମିଲ ହେବାକୁ ସିଦ୍ଧାର୍ଥଙ୍କୁ ମୋଟା ଅଙ୍କ ମିଳିଛି ବୋଲି ଚର୍ଚ୍ଚା ।
ଆଜ୍ଞା ହଁ, ସୁପରଷ୍ଟାର ସଲମାନ ଖାନଙ୍କ ବିଗବସରେ ସାମିଲ ହେବାକୁ ସିଦ୍ଧାର୍ଥଙ୍କୁ ମେକର୍ସ ଦେଇଛନ୍ତି ମୋଟା ଫିସ୍ । ଚର୍ଚ୍ଚା ଜୋର ଧରିଛି ଯେ ଦୁଇ ସପ୍ତାହ ପାଇଁ ବିଗବସ ହାଉସରେ ରହିବାକୁ ସିଦ୍ଧାର୍ଥଙ୍କୁ 12 କୋଟି ଟଙ୍କା ମିଳିଛି ।
ପ୍ରକାଶ ଥାଉକି ପ୍ରଥମେ ସିଦ୍ଧାର୍ଥ ‘ବିଗବସ 14’ରେ ସାମିଲ ହେବାକୁ ମନା କରିଦେଇଥିଲେ । ହେଲେ ମେକର୍ସଙ୍କ ତରଫରୁ 12 କୋଟି ଟଙ୍କାର ଅଫର ମିଳିବା ପରେ ସେ ସାମିଲ ହେବାକୁ ରାଜି ହୋଇଥିଲେ । ସିଦ୍ଧାର୍ଥଙ୍କ ବ୍ୟତୀତ ଶୋରେ ଏକ୍ସ ପ୍ରତିଯୋଗୀ ହିନା ଖାନ ଓ ଗୌହର ଖାନ ମଧ୍ୟ ତୁଫାନୀ ସିନିୟର୍ସ ରୂପେ ନଜର ଆସୁଛନ୍ତି ।
ସେହିପରି ଶୋରେ ଏବର୍ଷ ପବିତ୍ରା ପୁନିୟା, ଜାନ ସାନୁ, ରାହୁଲ ବୈଦ୍ୟ, ନିକ୍କି ତନବୋଲି, ସାରା ଗୁରପାଲ, ଏଜାଜ ଖାନ ଓ ଜସ୍ମିନ ଭସୀନ ପ୍ରତିଯୋଗୀ ରୂପେ ସାମିଲ ହୋଇଛନ୍ତି । ଶନିବାର ‘ବିଗବସ 14’ର ଫାଷ୍ଟ ‘ୱିକେଣ୍ଡ କା ୱାର’ ପ୍ରସାରିତ ହେବ ।
