ମୁମ୍ବାଇ: ବିଗ ବସର ଖବର ଏବେ ପ୍ରତିଟି ଫ୍ୟାନ୍ସଙ୍କ ମୁହଁରେ । ଅସୀମ-ସିଦ୍ଧାର୍ଥ ଓ ସାନା-ହିମାଂଶୀ ଝଗଡା ଶୋ’ର ହଟ ଟପିକ ପାଲଟିଛି । ସେହିପରି ସିଦ୍ଧାର୍ଥ-ରଶ୍ମିଙ୍କ ଶତ୍ରୁତା ମଧ୍ୟ ଫ୍ୟାନ୍ସଙ୍କୁ ଜଣା । ତେବେ ଯଦି ଆମେ ଆପଣଙ୍କୁ କହିବୁ ଶତ୍ରୁତା ଛାଡି ଏବେ ରୋମାନ୍ସ କରିବେ ସିଦ୍ଧ-ରଶ୍ମି ? କଣ ଆପଣ ବିଶ୍ବାସ କରିବେ ? ନିଶ୍ଚିତ ଭାବରେ ନା ।
କିନ୍ତୁ ଏହା ସତ । କାରଣ ସଦସ୍ୟଙ୍କ ଝଗଡାଠାରୁ ଆହୁରି ହଟ୍ ଖବର ଏବେ ବିଗ ବସ ମେକର୍ସ ଫ୍ୟାନ୍ସଙ୍କୁ ଦେବାକୁ ଯାଉଛନ୍ତି । ଘରେ ପରସ୍ପରର ଶତ୍ରୁ ପାଲଟିଥିବା ସଦସ୍ୟ ଏବେ ରୋମାନ୍ସ କରିବାକୁ ଯାଉଛନ୍ତି । ଯାହାକୁ ନେଇ ଫ୍ୟାନ୍ସ ଏବେ ଏକ୍ସାଇଟେଡ ଅଛନ୍ତି ।
ସୋସିଆଲ ମିଡିଆରେ ଏବେ ବିଗ ବସ ଚର୍ଚ୍ଚା । ଗୃହର ସଦସ୍ୟଙ୍କ ମଧ୍ୟରେ କଳି, ଝଗଡା ଏବେ ପାଲଟିଛି ମୁଖ୍ୟ ଖବର । ବିଶେଷ କରି ପରମ ବନ୍ଧୁଙ୍କ ମଧ୍ୟରେ ଶତ୍ରୁତା ସୃଷ୍ଟି ହେବା ସହ ଗ୍ରୁପ ଭାଙ୍ଗିବାକୁ ନେଇ ଫ୍ୟାନ୍ସ ଚିନ୍ତାରେ ପଡିଛନ୍ତି । ଲଗାତାର କିଛି ସପ୍ତାହ ହେବ ଘରେ ମତଭେଦ ତୀବ୍ର ହେବାରେ ଲାଗିଛି ।
ତେବେ ଏହି ସବୁ ଖବର ଭିତରେ ଫ୍ୟାନ୍ସଙ୍କ ଲାଗି ବିଗ ବସ ମେକର୍ସ ଆଣିଛନ୍ତି ଟ୍ବିଷ୍ଟ । କଳି ଓ ଝଗଡାକୁ ନେଇ ଚିନ୍ତାରେ ଥିବା ଫ୍ୟାନ୍ସଙ୍କୁ ମିଳିବ ଜବରଦସ୍ତ ଝଟକା । ପରସ୍ପରର ଶତ୍ରୁ ଥିବା ସଦସ୍ୟ ଏବେ ପରସ୍ପର ସହ ରୋମାନ୍ସ କରିବାକୁ ଯାଉଛନ୍ତି । ଖବର ଶୁଣି ଆପଣ ମଧ୍ୟ ନିଶ୍ଚିତ ଭାବେ ଆଶ୍ଚର୍ଯ୍ୟ ହୋଇଯିବେ । କାରଣ ଘର ଭିତରେ ରୋମାନ୍ସ କରିବେ ସିଦ୍ଧାର୍ଥ ଓ ରଶ୍ମି । ଆଉ ଏମାନଙ୍କ ପରେ ଆହୁରି ରୋମାଣ୍ଟିକ ମାହୋଲ ଖେଳାଇବେ ବିଶାଳ-ମାହିରା ଯୋଡି ।
ଏକ ଘରୋଇ ଚ୍ୟାନେଲରେ ପ୍ରସାରିତ ଲୋକପ୍ରିୟ ଶୋ ରେ ଆଜି ଅର୍ଥାତ ସୋମବାର ଏହି ଏପିସୋଡର ପ୍ରସାରଣ ହେବ । ଏହା ଅନୁସାରେ ଘର ସଦସ୍ୟଙ୍କୁ ଏକ ଟାସ୍କ ମିଳୁଛି । ଯେଉଁଥିରେ ସେମାନେ ଏହିପରି ରୋମାଣ୍ଟିକ ସିନ୍ କରିବାକୁ ଯାଉଛନ୍ତି । ତେବେ ସବୁଠାରୁ ବଡ କଥା ହେଲା ଏହି ସିନକୁ ଡିରେକ୍ଟ କରିବେ ସାନା ଓ ପାରସ । ସାନା ସିଦ୍ଧଙ୍କ ମଧ୍ୟରେ ଚାଲିଥିବା କେମେଷ୍ଟ୍ରୀ କାହାକୁ ବା ଅଜଣା । ସେହିପରି ପାରସଙ୍କ ବେଷ୍ଟ ଫ୍ରେଣ୍ଡ ମାହିରା । ତେଣୁ ଉଭୟଙ୍କ ସାମନାରେ ଏହି ରୋମାନ୍ସ ସିନ୍ ହେବା ନିଶ୍ଚିତ ଭାବେ ଫ୍ୟାନ୍ସଙ୍କୁ ଆଟ୍ରାକ୍ଟ କରିବ ।
