ହାଇଦ୍ରାବାଦ: ଆଭେଞ୍ଜର୍ସ ଏଣ୍ଡ ଗେମର କ୍ରେଜ ଏବେ ସିରିଏଲମାନଙ୍କରେ ବି ଦେଖିବାକୁ ମିଳିଲାଣି । ଆଭେଞ୍ଜର୍ସ ଏଣ୍ଡ ଗେମର ପୋଷ୍ଟରକୁ କପି କରିଛି ନାଗିନ-3 । ଏକତା କପୁର ସିରିଏଲର ସବୁ ଅଭିନେତା ଅଭିନେତ୍ରୀଙ୍କୁ ସୁପରହିରୋ ବନେଇ ଦେଇଛନ୍ତି ।
ପର୍ଲ ଭି ପୁରି, କରଣବୀର ବୋହରା, ନିକିତିନ ଧିର, ମୌନି ରୟ, ଅନିତା ହସନନ୍ଦାନି, ଅର୍ଜୁନ ବଜଲାଣି, ରକ୍ଷନ୍ଦା ଖାନ ଓ ରଜତ ଟୋକାଶଙ୍କୁ ସୁପରହିରୋ ଅବତାର ଦେଇଛନ୍ତି ଶୋ' ର ନିର୍ମାତା ଏକତା କପୁର । କିନ୍ତୁ ଫ୍ୟାନ୍ସ ଯେତିକି ପସନ୍ଦ କରିଛନ୍ତି ସେତିକି ଟ୍ରୋଲ ମଧ୍ୟ କରିଛନ୍ତି । ବହୁତ ଖରାପ କମେଣ୍ଟ୍ସ ଆସିଥିବାର ଦେଖିବାକୁ ମିଳିଛି ।
ନାଗିନ-3ର ଫାଇନାଲ ଏପିସୋଡର ସୁଟ ଆରମ୍ଭ ହୋଇଗଲାଣି । ଏକତା କପୁର କିଛି ଦିନ ତଳେ ଫ୍ୟାନ୍ସଙ୍କୁ ସୂଚନା ଦେଇଥିଲେ ଯେ, ଶୋ' ର ଏଣ୍ଡିଙ୍ଗ କାଫି ମଜାଦାର ଓ ଡ୍ରାମାଟିକ ହେବ । ନାଗିନ କୁଇନ ମୌନୀ ରୟ ଶୋ' କୁ ଆସିପାରନ୍ତି ବୋଲି ଏକତା ସୂଚନା ଦେଇଥିଲେ ।
